Onlaın is-shara formaty memlekettik organdarmen dıalogty retteýge múmkindik beredi. Atap aıtqanda, bilim mınıstrligimen bolashaq mamandyqtar, «kásiporyn – oqý orny» baılanysy, jumysqa ornalasý máseleleri talqylanady. Bul týraly Ortalyq kommýnıkasııalar qyzmetinde ótken brıfıngte QR AQDM jastar jáne otbasy isteri komıtetiniń tóraǵasy Shahmardan Baımanov málimdedi.
Ol jastarǵa arnalǵan baǵdarlamalardy mysalǵa keltirip ótti «Alǵashqy jumys orny», «Urpaqtar kelisimsharty». Bul jumys berýshilerdi JOO jáne kolledj túlekterin shtatqa tájirıbesiz qabyldaýǵa yntalandyratyn bıylǵy jylǵy jańashyldyqtar.
«Eńbek naryǵynda suranysqa ıe 100 mamandyqtyń tizimi bar. Memleket tapsyrysty anyqtaıdy. Eńbek naryǵynda qandaı mamandyqtar qajet ekendigin, qandaı bolmasyn saladaǵy qajettilikterge qaraıdy. Oqý orny osy salalarǵa nazar aýdarady. Bul tandemniń nátıjesi bar, tek túzetýler engizý kerek», - dep atap ótti spıker.