Keshe «Nur Otan» partııasy janyndaǵy Sybaılas jemqorlyqqa qarsy kúres jónindegi respýblıkalyq qoǵamdyq keńestiń otyrysy bolyp, onda partııanyń «Qazaqstan-2050» Strategııasyn júzege asyrýǵa baǵyttalǵan Doktrınasyndaǵy mindetterge sáıkes atalǵan indetke qarsy keshendi sharalar belgileý máseleleri talqylandy.
Keshe «Nur Otan» partııasy janyndaǵy Sybaılas jemqorlyqqa qarsy kúres jónindegi respýblıkalyq qoǵamdyq keńestiń otyrysy bolyp, onda partııanyń «Qazaqstan-2050» Strategııasyn júzege asyrýǵa baǵyttalǵan Doktrınasyndaǵy mindetterge sáıkes atalǵan indetke qarsy keshendi sharalar belgileý máseleleri talqylandy.
Otyrysty «Nur Otan» partııasy Tóraǵasynyń birinshi orynbasary Baýyrjan Baıbek ashyp, júrgizip otyrdy. Ol óziniń sózinde Elbasy Nursultan Nazarbaevtyń osy baǵyttaǵy tapsyrmalaryn eske alyp jáne partııanyń Doktrınasynda aıtylǵan: «Sybaılas jemqorlyqpen kúresý barshanyń jáne ár adamnyń mindeti. Sybaılas jemqorlyq bizdiń memlekettiligimiz ben demokratııamyzdy jegideı jeýde. Sondyqtan biz sybaılas jemqorlyqtyń jolyn kesýdiń jáne qoǵamda onyń kez kelgen kórinisine ymyrasyzdyq ahýalyn qalyptastyrýdyń júıeli jaǵdaıyn jasaımyz», degen sózderin jınalǵandarǵa aıtyp berip, respýblıkalyq keńes elimizdegi jemqorlyqqa qarsy jumys júrgizetin bazalyq qoǵamǵa aınalyp, osy istegi partııanyń tutas qyzmetin úılestirýi tıis ekendigin jetkizdi. Memleket basshysy jemqor bolǵany úshin laýazymyna, atqarǵan qyzmetine qaramastan, kez kelgen sheneýniktiń jaza tartýy qajettigin talap etip otyr. Partııa Doktrınasynda zań aldynda barlyq azamattyń teń ekendigi atap kórsetilgen. Konstıtýsııa men zańnamalardy buljytpaı saqtaý – ádiletti qoǵamnyń barshaǵa teń múmkindik jasaýynyń negizi. Qoǵamdyq keńestiń basshylyqqa alyp jumys isteıtini osy baǵdarlar, dedi B.Baıbek.
Otyrysta Sybaılas jemqorlyqqa qarsy kúres jónindegi respýblıkalyq qoǵamdyq keńestiń qurylǵanyna bes jyl tolǵany jáne osy jyldar aralyǵynda onyń tóraǵasy bolyp Oralbaı Ábdikárimovtiń jemisti jumys atqarǵany atalyp ótti. Partııanyń sońǵy bıýro otyrysynda partııa Tóraǵasy da qoǵamdyq keńestiń jumysyna joǵary baǵa berdi. Mine, osy tabysqa jetýde Oralbaı Ábdikárimulynyń jeke basynyń eńbegi zor. Sizdiń tikeleı basshylyǵyńyzben bizdiń partııanyń Parlamenttegi fraksııasy «Sybaılas jemqorlyqqa qarsy kúres týraly» zań jobasyn ázirledi. Al qoǵamdyq keńestiń ózi sybaılas jemqorlyqqa qarsy ymyrasyz jumys júrgizgeni úshin halyqtyń rızashylyǵyna bólendi, dedi B.Baıbek.
Odan ári bıýronyń sońǵy otyrysynda Oralbaı Ábdikárimuly tóraǵalyq mindetti basqa adamǵa júkteý týraly ótinish jasaǵany aıtyldy. Bul ótinish qabyldanyp, partııa Tóraǵasy N.Nazarbaev komıssııa tóraǵasy qyzmetine O.Ábdikárimovtiń usynysymen Májilis depýtaty Qaıyrbek Súleımenovti bekitti, deı kelip, B.Baıbek: «Al Oralbaı Ábdikárimovtiń ózi keńes tóraǵasynyń birinshi orynbasary bolyp qala beretinin jetkizdi», dedi. Sonymen birge, B.Baıbek jemisti jumystary úshin partııanyń atynan O.Ábdikárimovke óz rızashylyǵyn aıtyp, Alǵys hat pen estelik kádesyı tapsyrdy. О́zi tarapynan O.Ábdikárimov eńbegin baǵalaǵany úshin nurotandyqtarǵa rızashylyǵyn bildirdi. Sonymen birge, áriptesteri arasynan A.Platonov, Q.Aıtahanov, A.Soloveva, O.О́ksikbaev sóılep, O.Ábdikárimovtiń jumysyna joǵary baǵa berdi.
О́ziniń qorytyndy sózinde partııa Tóraǵasynyń birinshi orynbasary «Keńes jemqorlyq máselesimen kúresýdiń jańa joldaryn qarastyrýy qajet. Jumys isteýdiń ınnovasııalyq úlgilerin keńinen qoldanyp, negizgi kúshti jemqorlyqpen júıeli kúreske baǵyttaǵany jón», dep atap kórsetti. Sonymen birge, otyrysta «Qazaqstan-2050» Strategııasynda aıtylǵan basymdyqtardy eskere otyryp, «Nur Otan» partııasynyń sybaılas jemqorlyqpen kúresýdiń uzaq merzimdi jańa strategııasy men baǵdarlamasyn ázirleý týraly sheshim qabyldandy.
Keńes otyrysyna «Elektrondyq partııa» jobasy aıasynda beınekonferensııa arqyly barlyq oblystardaǵy partııa tóraǵalarynyń birinshi orynbasarlary jáne sybaılas jemqorlyqqa qarsy kúrestiń óńirlik keńesiniń músheleri de qatysty.
Jaqsybaı SAMRAT,
«Egemen Qazaqstan».