QR Premer-Mınıstri Asqar Mamın Mańǵystaý oblysyna jumys sapary barysynda Aqtaý kýrorttyq aımaǵynyń ınjenerlik jáne kólik ınfraqurylymyn damytý máseleleri jóninde keńes ótkizip, jańa qonaq úı-týrıstik keshenderdiń qurylysyn bastap berdi.
Aqtaý qalasynyń kýrorttyq aımaǵynyń ınjenerlik-kólik ınfraqurylymyn damytý jónindegi jumystar týraly Premer-Mınıstrdiń orynbasary R. Sklıar, Mańǵystaý oblysynyń ákimi S.Trumov, energetıka mınıstri N. Noǵaev, ındýstrııa jáne ınfraqurylymdyq damý vıse-mınıstri B. Qamalıev baıandady.
Aqtaý qalasynyń kýrorttyq aımaǵyn damytýdyń 2-shi kezeńi aıasynda áýejaıdan keletin avtomobıl jolyn tórt jolaqqa deıin keńeıtý, gaz qubyryn, sondaı-aq sýmen jabdyqtaý, sý burý jáne elektrmen jabdyqtaý júıelerin salý kózdelgen. Úkimet basshysy Aqtaý qalasynyń kýrorttyq aımaǵynyń ınjenerlik jáne kólik ınfraqurylymyn júrgizý jobalarynyń ýaqytyly iske asyrylýyn qamtamasyz etýdi tapsyrdy.
A. Mamın otandyq jáne sheteldik ınvestorlarmen birlesip Fairmont, Double Tree by Hilton, Movenpick Hotels and Resorts brendterimen salynatyn otelderdiń, golf-klýb pen taqyryptyq oıyn-saýyq parki qurylysyn bastaý rásimine qatysty.