Senbide jarııalaǵan málimetterge sáıkes, AQSh-ta sońǵy úsh kún qatarynan rekordtyq kórsetkishter tirkelgen. Juma kúni 126 480 adamnyń vırýs juqtyrǵany anyqtalǵan. Eldegi COVID-19 juqtyrǵandardyń jalpy sany 9,7 mıllıonnan asqan, al 236 myńnan astam adam indetten qaıtys boldy.
Baıden men jańa saılanǵan vıse-prezıdent Kamala Harrıs vırýsty baqylaýǵa alýdyń keshendi josparyn tanystyrdy. Ol boıynsha ondaǵan mıllıon synaq testterin jasap, ony taratý qarastyrylǵan. Sondaı-aq AQSh-tyń densaýlyq saqtaý salasyndaǵy jumyspen qamtý korporasııasyna qosymsha kómek retinde kem degende 100 000 amerıkalyqty jumyldyrý qajettigi aıtyldy.
Biraq bul qadamdardyń aýa raıynyń sýytýymen jáne soǵan baılanysty indettiń qaıta órshýimen qalyptasqan jaǵdaıda qanshalyqty tıimdi bolatyny belgisiz.
Juma kúni keshke Tramp ákimshiliginiń basshysy Mark Medoýzdyń da vırýs juqtyrǵany anyqtaldy. Bul ázirge Aq úıde tirkelgen sońǵy jaǵdaı. Sońǵy aptalarda Aq úıdiń birneshe qyzmetkeri men saılaýaldy nasıhatpen aınalysqan mamandardyń indet juqtyrǵany belgili bolǵan edi.