Zııandy júıeniń joıylǵany jón

«Azamattyq qorǵanys týraly» zań jobasyna A.Perýashevtiń usynystaryn depýtattar qoldamady degen TJM-niń málimdemesi – jalǵan. «Aq jol» QDP parlamenttik fraksııasynyń depýtattary brıfıngte osylaı dep málimdedi.

Bul týraly aıta kelip, depýtat Merýert Qazbekova, má­se­len, bylaı dep atap ótti: «Jal­py, mınıstrlikter men vedom­stvo­lardyń Prezıdenttiń synyna oraı áreketteri tańǵalarlyq ekendigin atap ótýdi qajet dep sanaımyz.

«Azamattyq qorǵanys týraly» zań jobasyna A.Perýashevtiń usynystaryn depýtattar qoldamady degen TJM-niń málimdemesi – jalǵan. «Aq jol» QDP parlamenttik fraksııasynyń depýtattary brıfıngte osylaı dep málimdedi.

Bul týraly aıta kelip, depýtat Merýert Qazbekova, má­se­len, bylaı dep atap ótti: «Jal­py, mınıstrlikter men vedom­stvo­lardyń Prezıdenttiń synyna oraı áreketteri tańǵalarlyq ekendigin atap ótýdi qajet dep sanaımyz.

Ortalyq kommýnıkasııalar qyzmetindegi ótken jolǵy brıfıngte bizdiń áriptesimiz, fraksııa jetekshisi Azat Perýashev Memleket basshysynyń: «Tekserý­ler­di ońtaılandyrýǵa qyzmet etýi tıis táýekelderdi basqarý júıe­leri árbir memlekettik organmen óz qalaýynsha jasalǵan. Olar bir­yńǵaı ádisnamasyz jumys is­teıdi», degen sózderin naqpa-naq keltirdi.

Buǵan baılanysty Perýashev qazirgi tańda Parlamenttiń talqylaýyndaǵy «Azamattyq qorǵanys týraly» zań jobasyn mysalǵa keltirgen, onda TJM kommersııalyq uıymdar júrgizetin «táýekelderdi táýelsiz baǵalaý» dep atalatyn júıeni zańdastyrý usynylady jáne ol memlekettik baqylaýdy aýystyrmaq. Biz muny, Prezıdenttiń Jarlyqtaryn qosa alǵanda, zańnamamen tikeleı tyıym salynǵan memlekettik baqylaý men tekserýlerdi kommersııalandyrý júrip jatyr dep esepteımiz. TJM-men usynylǵan tásildemeler sybaılastyq-jemqorlyqtyq óristi keńeıtedi, kásipkerlerdi órtke qarsy qyzmet jaǵynan tekserýden bas tartqyzýǵa aıyrbas jasatyp, «táýekelderdi táýelsiz baǵalaý» dep atalatyn qyzmetterge tóleýge májbúrleıdi, degen edi fraksııa jetekshisi.

Endi, mine, búgin TJM, derek­sóz keltiremin: «Azamattyq qor­ǵanys týraly» zań jobasyna A.Perýashevtiń usynystaryn de­pýtattar qoldamady», degen sııaqty málimdeme taratty.

TJM-niń bizdiń usynys­ta­rymyzdyń «depýtattar ta­rapynan qoldaý tappady» tá­riz­di málimdemesi shyndyqqa janaspaıdy. Búgingi kúni salys­tyrmaly kestede jumys tobymen qabyldanǵan jáne qoldaý bildirilgen Perýashevtiń jáne birlesken avtorlardyń, onyń ishinde basqa da fraksııalardan qatysqan, tolyp jatqan túze­tý­leri bar. Bul №2, 3, 6, 9, 25, 39, 43, 44, 46, 65, 67 jáne t.b. túze­tý­ler – barlyǵy 70-ten astam Perýa­shevtiń túzetýleri qazirdiń ózin­de qabyldanǵan, taǵy ondaǵan túzetýler jumys prosesinde nemese Úkimetke qorytyndy jasaýǵa jiberilgen.

Árıne, kóptegen qabyldanbaǵan túzetýler de (ol da 70 shamasynda) bar, biraq A.Perýashevtiń barlyq túzetýleri áriptesterimen qabyldanbady dep qyńyrlyqpen málimdeme jasaý – demek, bul qoǵamdy ádeıi, qasaqana adastyrý.

Múmkin, TJM óziniń qalaýyn shyndyq dep kórsetkisi keletin bolar, biraq bul ony anyq emes, dáıeksiz aqparat taratqany úshin moraldyq jaýapkershilikten qutqara almaıdy.

Ekinshi óte mańyzdy jaıt: TJM Memleket basshysynyń synyna nege qulaq asqysy kelmeıtinin negizdeýge tyrysyp, vedomstvonyń baspasóz qyzmeti kórsetilgen málimdemede órt sóndirýdegi eńbekterin jáne t.b. sanamalaıdy.

Biraq bul jetistikter, ásirese, turaqty túrde qaıtalanyp jatatyn, mysaly, Almaty bazar­laryndaǵy órtterdiń aınalasynda ersiligin aıtpaǵannyń ózinde, óte daýly bolyp kórinedi.

Sondyqtan da biz, 11 qazandaǵy Memleket basshysynyń tapsyrmalaryna sáıkes, «táýekelderdi táýelsiz baǵalaý» sekildi zııandy júıeni joıýdy talap etemiz», dep qorytyndylady depýtat M.Qazbekova.

«Egemen-aqparat».