Ortaq úıimiz órkendeı bersin

Búgin kóptegen adamdar res­pýb­lı­kamyzdyń toqsanynshy jyldardyń basynda, keńestik derjavanyń búkil ekonomıkasy qırap barlyq sharýashylyq baılanystar úzilip ketkenin umytyp ketti. Al keıingi jastar bile bermeıdi de. Tipti kórshi, bir kezdegi baýyrlas respýblıkalarda ultaralyq negizde qandy qaqtyǵystar bastaldy, ol myńdaǵan adamnyń ómirin qıdy...

Nursultan Ábishuly Nazar­baev kúnnen bastap elimiz táýel­sizdik alǵan el ishindegi, son­daı-aq geosaıası arenadaǵy salı­qaly, sarabdal saıasatynyń arqa­syn­da ǵana bizdiń elimiz álemdegi damyǵan memleketter qataryna nyq ene otyryp, kezeń-kezeńimen ekonomıkalyq beı­be­reketsizdik pen daǵdarystan shyqty.

Bul rette bizdiń memlekettiń turaq­ty damýynyń negizgi usta­nym­­darynyń biri ári onyń ózegi – búkil álemde tanyl­ǵan etnos­aralyq jáne konfes­sııa­aralyq kelisimniń qazaqstandyq modeli boldy.

Qazaqstan memlekettili­giniń qalyptasýynyń alǵash­qy jyl­­darynda men Atyraý oblysy ákiminiń orynbasary jáne munaı salasynda ju­­my­s istedim. Joǵaryda aıt­qa­­nym­­nyń bári – barlyq negizgi kór­setkishter boıynsha eko­no­mıkanyń quldyraýy, munaı baǵasynyń barreline 9 dol­­larǵa deıin tómendeýi,  jalaqy, balalar járdemaqysy, zeınetaqy tóleý, shaǵyn bıznes sýbektilerine tólem jasaý boıynsha mıllıondaǵan qa­ryzdyń bolýy, jergilikti ha­lyqtyń kıim men azyq-túlik úshin kórshi Astrahanǵa barǵany – mine, sol kezeńniń naqty kórinisi osy.

Mine, Nazarbaevtyń ekonomıkada da, saıasatta da naqty qur­ǵan strategııasynyń arqasynda eli­mizge sol kezde aty álemge áıgi­li al­ǵashqy jáne salmaqty ınves­tor­lar keldi, naryqtyq qury­lym­dardyń damýy bastaldy, bu­­ry­nǵy Gýrev, qazirgi Atyraý shal­ǵaıdaǵy qalashyqtan búginde Qazaq­stan Respýblıkasynyń eń tabys­ty jáne damýshy óńirleriniń biri­ne, onyń shyn mánindegi munaı asta­nasyna aınaldy, onda búginde «Shev­ron» korporasııasynan bas­tap is júzinde barlyq jetekshi álem­dik kompanııalar jumys isteıdi.

1995 jyly men óńirlik deńgeı­de Qazaqstan halqy Assamb­leıa­­­sy­nyń alǵashqy uıymdyq qury­lym­daryn qurýǵa qatystym, sodan keıin 2007 jyldan bastap Qazaq­standyq tatarlar men bash­qurt­tar Kongresiniń respýblıkalyq qoǵamdyq uıymyn basqardym.

Qazaqstannyń tatarlary men bashqurttary, basqa etnostardyń ókilderi sııaqty, Nursultan Ábish­uly Nazarbaevtyń naqty quryl­ǵan saıasatynyń arqasynda búginde ómirdiń barlyq salalarynda ózderin de, ózderiniń etnostaryn da laıyqty tanytýǵa barlyq múm­kindikteri bar ekenin barynsha jaýapkershilikpen aıta alamyn.

Mysaly, Dúnıejúzilik tatarlar Kongresi tóraǵasynyń orynbasary bola otyryp, men Eýropa, Azııa, Amerıkanyń túrli mem­le­ketterindegi baýyrlarymmen jıi tildesemin. Olardyń kóp­shi­li­gi úshin Qazaqstan halqy Assam­bleıasynyń qamqor­lyǵymen ár­bir etnos úshin ana tilin úırenýge bar­­lyq jaǵdaı jasaǵandyǵy tańǵa­lar­­lyq jańalyq boldy. Bizdiń et­no­mádenı ortalyqtarda shırek ǵa­­­s­yr­­dan astam ýaqyt boıy jek­sen­bi­lik mektepter jumys istep keledi!

Bizdiń baýyrlas halqymyzdy birtutas din, dástúr jáne týys til biriktiretindikten, bul sabaq­tar ana tilimizdi ǵana emes, mem­lekettik qazaq tilin de meń­gerýge múmkindik beredi. Osy­nyń barlyǵy Qazaqstannyń Tatar­stanmen ekonomıkalyq jáne máde­nı baılanystaryn damytýǵa septigin tıgizedi, oǵan Nursultan Ábishuly Nazarbaevtyń 2018 jyldyń jazyndaǵy Qazanǵa sapary jańa serpin berdi.

Tatarstannyń astanasynda halyqtar men memleketter ara­syndaǵy beıbitshilik pen dos­tyqty nyǵaıtýǵa qosqan úlesi úshin qurmet pen rızashy­lyq belgisi retinde Nursultan Nazar­baev atyndaǵy kóshe paıda bolǵany da kezdeısoq emes. Onyń jaıly gúlzarynda eki baýyrlas halyqtyń ózara qarym-qatynasynyń nyshany ispetti Taıqazannyń músindik kompozısııasy ornatylǵan.

Elbasynyń danalyǵy men kóregendigi 2019 jyly Prezıdent óki­lettigin óziniń seriktesi Qasym-Jomart Toqaevqa tapsyrýy – bul memleketimizdiń sabaq­tas­tyǵy men turaqtylyǵyn bildiretin orasan zor saıası jáne memlekettik mańyzy bar oqıǵa bolyp otyr.

Qazaqstan – bizdiń ortaq úıimiz jáne biz kópetnosty eldiń birtutas halqymyz. Sondaı-aq bizdiń bar kúsh-jigerimiz kez kelgen qaýip-qater men qyr kór­setýlerdi eńse­rýge qabi­letti birtutas jáne uıym­shyl Qazaq­stan halqyn qalyp­tas­tyrýǵa ba­ǵyt­talǵan. Dál osy maq­sattar men min­detter ár kezeń­de jańa deń­geıge shyǵa oty­ryp, árqa­shan tu­raq­ty damý ústin­degi Qazaq­stan halqy As­sambleıa­synyń qyzmetinde basym.

Árqashan Qazaq jeriniń aspany ashyq, Qazaqstan Respýb­lıka­synyń Tuńǵysh Prezıdenti – Elbasy negizin qalaǵan halyqtyń birligi uzaǵynan bolsyn jáne memleketimizdiń ekonomıkasy qaryshtap damı bersin!

Taýfık Karımov, 

Qazaqstan halqy Assambleıasy Keńesiniń múshesi, «Qazaqstandyq tatar jáne bashqurttar Kongresi» respýblıkalyq qoǵamdyq birlestiginiń Basqarma tóraǵasy