Meniń týǵan jerim – Rıdder qalasy. Qazirgi kezde О́skemende turamyn. Sheshemniń týyp-ósken jeri – Zaısan aýdanynyń Kókjyra aýyly. Jýyqta osy aýyldyń mańynda ákem ekeýimiz qydyryp júrip, ósip turǵan úlken bir aǵashty kórdik. Janyna baryp qaraǵanymyzda, alyp aǵash ekendigine kózimiz jetti. Sol jerde biz ony ólshep kórdik.
Aǵashtyń bıiktigi shamamen 25-28 metrdeı, dińiniń jýandyǵy, jerden 1 metrdeı joǵary deńgeıde ólshegende, 8 metr 10 sm. boldy.
Meniń týǵan jerim – Rıdder qalasy. Qazirgi kezde О́skemende turamyn. Sheshemniń týyp-ósken jeri – Zaısan aýdanynyń Kókjyra aýyly. Jýyqta osy aýyldyń mańynda ákem ekeýimiz qydyryp júrip, ósip turǵan úlken bir aǵashty kórdik. Janyna baryp qaraǵanymyzda, alyp aǵash ekendigine kózimiz jetti. Sol jerde biz ony ólshep kórdik.Aǵashtyń bıiktigi shamamen 25-28 metrdeı, dińiniń jýandyǵy, jerden 1 metrdeı joǵary deńgeıde ólshegende, 8 metr 10 sm. boldy.Osy aǵashqa qarap turyp meniń kóńilimdi bir muń basty. Basqa jaqtan kelgen adamdardy qoıyp, osy aýyldyń turǵyndarynyń ózderi aǵashtyń qasıetinen beıhabar bolyp shyqty. Qyzyqtaǵandary bylaı tursyn, keıbir butaqtaryn el shaýyp ala bastapty. Erte me kesh pe bireý oılanbastan bul aǵashty otynǵa tolyǵymen kesip alary sózsiz.
Meni qynjyltqany – osyndaı tańǵajaıyptarǵa kóńil bólmeıtindigimiz. Osy aýyldyń adamdarynan suraǵanymda, aǵashtyń qandaı túrge jatatyndyǵyn da, qansha jasqa kelgendigin de eshkim aıta almady. Aýylda, qýańshylyq, sortań jerde, eshkimniń baǵyp-qaǵýynsyz ósken mundaı alyp aǵash, Kókjyra aýylynyń ǵana emes, Zaısan aýdanynyń da, aıta berse, búkil oblysymyzdyń maqtanyshy bola alatyndyǵyna senimdimin. Tek bul aǵashqa kóńil bólip, zerttep, qorǵap, elge habardar etý qajet pe dep oılaımyn.
Biz aýyl turǵyndaryn shaqyryp, qol ustasyp, aǵash janynda sýretke tústik.
Symbat MOLDANJAROV,
Semeı medısınalyq ýnıversıtetiniń stýdenti.
Shyǵys Qazaqstan oblysy.