Aqtóbe qalasyndaǵy «Dostyq» úıinde oblystyq mádenıet basqarmasy men «Áıteke bı» meıirimdilik qorynyń birlesip uıymdastyrýymen «Áıteke bıdiń aq joly» derekti fılminiń tusaýkeseri ótkizildi.
Fılmniń tusaýkeserine aqtóbelikter kóp jınaldy. Onyń da reti bar. Áıteke bı qalyń qazaqqa ortaq tulǵa degenimizben, oblysta onyń tikeleı urpaqtary kóp turady, keıingi jastardyń ultynyń uly tulǵalaryn tanyp-bilýge degen yqylasy da zor. Fılmniń avtory, rejısseri – halyqaralyq «Túrki álemi» telestýdııasynyń dırektory, jazýshy Doqtyrhan Turlybek.
Aqtóbe qalasyndaǵy «Dostyq» úıinde oblystyq mádenıet basqarmasy men «Áıteke bı» meıirimdilik qorynyń birlesip uıymdastyrýymen «Áıteke bıdiń aq joly» derekti fılminiń tusaýkeseri ótkizildi.
Fılmniń tusaýkeserine aqtóbelikter kóp jınaldy. Onyń da reti bar. Áıteke bı qalyń qazaqqa ortaq tulǵa degenimizben, oblysta onyń tikeleı urpaqtary kóp turady, keıingi jastardyń ultynyń uly tulǵalaryn tanyp-bilýge degen yqylasy da zor. Fılmniń avtory, rejısseri – halyqaralyq «Túrki álemi» telestýdııasynyń dırektory, jazýshy Doqtyrhan Turlybek. Fılmde eliniń egemendigine, táýelsizdigine ólsheýsiz eńbek sińirgen, halqynyń qamyn jegen qazaqtyń úsh bıiniń biri Áıteke bı Báıbek ulynyń ómiri men qaıratkerligi, sheshendigi týraly derekter keltiriledi.
Shyndyǵynda, qazaqtyń tutastyǵy, táýelsizdigi jolynda kósemdigi men sheshendigi qatar kórinetin úsh uly babamyz Tóle, Qaz daýysty Qazybek jáne Áıteke bıler eńbegi qalaı ulyqtaýǵa da, qadirleýge de turarlyq. Olardyń ultyn uıystyrýdaǵy ulaǵaty keıingi urpaqqa jetýi úshin qansha fılm túsirse de artyq etpes edi. Fılm Qazaqstanda, О́zbekstanda túsirilgen. Bul – Áıteke bı týraly túsirilgen birinshi fılm.
Halqymyzdyń birtýar tulǵasy týraly túsirilgen derekti fılmniń tusaýkeserin oblystyq ishki saıasat basqarmasynyń basshysy Zápen Jumabaeva kirispe sóz sóılep ashty. Ol Elbasy Nursultan Nazarbaevtyń tarıhymyzdy túgendeýge, rýhanı qundylyqtarymyzdy qasterleýge asa mańyz berip otyrǵanyn jetkize kelip, qazaqtyń úsh bıiniń biri, Han keńesine 19 jyl múshe bolǵan Áıteke bıdiń esimin este qaldyrýǵa baılanysty atqarylǵan jumystardy tilge tıek etti. О́zbekstandaǵy Naýaı oblysyndaǵy Nuratada Áıteke bı men Seıitqul áýlıege kelisti kesene turǵyzylǵanyn, oǵan aqtóbelikterdiń de úles qosqanyn atap ótti. Oblysta Áıteke bı atyndaǵy aýdan, stansa, sondaı-aq, ár eldi mekende kóshe bar ekenin eske saldy. Aqtóbe qalasynda babamyzdyń bıiktigi 6 metrlik eskertkishi ornatylǵanyn da qazaqtyń qamyn jegen uly tulǵaǵa degen qurmeti ekenin aıtyp ótti.
– Áıteke bı týraly ádebı jáne ǵylymı-zertteý kitaptar jazyldy, tarıhı-tanymdyq sharalar turaqty ótkizilip keledi. Alaıda, fılm túsirilmegen bolatyn. Búgin tusaýkeseri uıymdastyrylyp otyrǵan «Áıteke bıdiń aq joly» derekti fılmi osyndaı olqylyǵymyzdyń ornyn toltyrýǵa baǵyttalǵan bastama, – deı kelip, Zápen Jumabaeva derekti fılmniń avtory, rejısseri Doqtyrhan Turlybekke oblys ákimdigi atynan alǵys sezimin bildirdi. Sodan keıin sóz alǵan Qazaqstan Jýrnalıster odaǵy syılyǵynyń laýreaty, halyqaralyq «Túrki álemi» telestýdııasynyń dırektory Doqtyrhan Turlybek Áıteke bı jatqan qorymdy tabý, onyń bas súıegin zerthanalyq zertteý arqyly máıitin anyqtap, basyna kesene ornatý jolynda jankeshti jumystar jasalǵanyn áńgimeledi. Onyń basyna sáýlet óneriniń ozyq úlgileri qoldanylǵan kelisti kesene salýda onyń urpaqtarymen birge, qazaqtyń Atymtaı jomart jigitteri qoldaý kórsetkenin, sol kezdegi Qazaqstannyń О́zbekstandaǵy Tótenshe jáne ókiletti elshisi Zaýytbek Turysbekovtiń eńbegi zor ekenin atap ótti. Babamyz týraly derekti fılm alty jyl túsirilipti. Oǵan avtor óz qarjysymen birge kásipker qazaqtardyń demeýshilik jasaǵanyn tilge tıek etti.
Tusaýkeserge jınalǵandar «Áıteke bıdiń aq joly» derekti fılmin tamashalady. «Shamshyraq-Aqtóbe» JShS dırektory, aqyn Meıirhan Aqdáýletuly Áıteke bı týraly oıyn tarqata kelip, derekti fılmdi uly babamyzdyń táýelsiz memleketimiz úshin sińirgen eńbegin, onyń kóregen saıasatkerligin jáne kósemdigin, sheshendigin taný jáne keıingi urpaqqa nasıhattaý jolyndaǵy alǵashqy qadam retinde baǵalady. Bul bastamany alda da tolyqtyryp, damyta túsý qajettigine toqtaldy. Tusaýkeserdi oblystyq fılarmonııanyń, Dostyq úıiniń ártisteri Áıteke bıge arnalǵan ándermen jáne kúılermen ajarlandyra tústi.
Satybaldy SÁÝIRBAI,
«Egemen Qazaqstan».
Aqtóbe oblysy.
Sýretti salǵan
Aǵymsaly DÚZELHANOV.