Syr óńirine jumys saparymen Indýstrııa jáne ınfraqurylymdyq damý mınıstri Beıbit Atamqulov keldi. Aldymen mınıstr men oblys ákimi Gúlshara Ábdiqalyqova Shıeli aýdanyndaǵy "Gejýba Shıeli Sement Kompanııasy" JShS sement zaýytyna bardy, dep habarlaıdy Egemen.kz oblys ákiminiń baspasóz qyzmetine silteme jasap.
Sement ónimderin óndiretin zaýyt 2018 jyldyń jeltoqsanynda paıdalanýǵa berilgen, qýattylyǵy jylyna 1 mln tonna. Kásiporyn 250 adamdy jumyspen qamtyp otyr. Jalpy aýdany 520 myń kv metrdi quraıdy. Zaýyt ótken jyly 6,1 mlrd teńgege 380 myń tonna ónim shyǵaryp, onyń 40,6 myń tonnasy О́zbekstanǵa eksporttaldy. Al, bıylǵy jyldyń 10 aıynda 350 myń tonna ónim óndirip, 41 myń tonnasyn atalǵan kórshi elge eksporttaǵan.
Sonymen qatar Indýstrııa jáne ınfraqurylymdyq damý mınıstri B. Atamqulov pen oblys ákimi G.Ábdiqalyqovaǵa "Balaýsa fırmasy" JShS-niń "Bala-Saýysqandyq" ken ornyndaǵy qara taqtatastardy avtoklavty qaıta óńdeý" jobasyn iske asyrý barysy tanystyryldy.
Jeke kásiporyn 2016 jyldan bastap ammonıı metavanadatyn óndirip, Reseı, Ulybirıtanııa sekildi shet elderge eksporttaıdy. Qýattylyǵy jylyna 1 mln tonna ken óndirý jáne óndeý. 161 adamdy jumyspen qamtyp otyr. Elektr qýatyn arttyrý úshin qýaty saǵatyna 3 MVt elektr beretin jeli salynýda.
Munan soń, mınıstrdiń jumys sapary Jańaqorǵan aýdanyndaǵy "Shalqııa Sınk LTD" AQ ken ornynda jalǵasty.
Kásiporyn qorǵasyn - myrysh kenin óndirýmen aınalysady. 2025 jylǵa deıin 4 mln tonna ónim óndiredi dep josparlanýda. Kásiporynnyń jalpy aýdany - 22,5 sharshy km quraıdy. 617 turǵyn jumyspen qamtylǵan. "ShalkııaSınkLTD" AQ dırektorlar keńesiniń sheshimimen 2020 jylǵy 13 mamyrda jobany josparlaý-jobalaý-qurylys arqyly kezeń-kezeńimen iske asyrýdy kózdeıtin jobany iske asyrýdyń jańa strategııasy bekitildi.
Sonymen qatar B. Atamqulov pen G.Ábdiqalyqova Qyzylorda qalasynda ornalasqan "OrdaGlass LTD" JShS shyny zaýytynyń iske qosylatyn 4 kesheniniń qurylys barysymen tanysty.
Zaýyttyń qurylysy 2015 jyly bastalǵan. О́ndiris táýligine 600 tonna nemese jylyna 197,1 myń tonna tabaq shyny ónimin shyǵarady dep josparlanýda. Jalpy aýdany 500 myń kv metrdi quraıdy. Qazirgi ýaqytta shyny zaýytynyń qurylys jumystary 69,7% oryndaldy. Montajtehnologııalyq jabdyq - 33,8%. Negizgi jumys balqytý vannasy men kúıdirý peshin ornatýmen baılanysty.
Sondaı-aq, ındýstrııa jáne ınfraqurylymdyq damý mınıstri stent arqyly "Aral Soda" JShS-niń qýattylyǵy jylyna 300 myń tonna quraıtyn kalsıılendirilgen soda zaýyt qurylysynyń" jobasyn iske asyrý barysymen tanysty.
Jumys sapary sońynda mınıstr men aımaq basshysy oblys ortalyǵynyń sol jaǵalaýynda ornalasqan jańa kópirge jáne "Rýhanı jańǵyrý" ortalyǵyna bardy. Ortalyqta jańa qalany ıgerý jobasy, "Nurly jer", baǵdarlamalarynyń oryndalýy, "Jumyspen qamtý jol kartasy", "Aýyl el besigi", "О́ńirlerdi damytý", "Nurly jol" memlekettik baǵdarlamalary aıasynda jol kólik ınfraqurylymyn damytý boıynsha atqarylyp jatqan jáne ortalyqtandyrylǵan jylý júıeleriniń jumystarymen tanysty.
Syrdarııa ózeniniń sol jaǵalaýyndaǵy aýmaqta jańa qala bul – 1532 ga aýmaq. Onyń ishinde 537 ga turǵyn úı qurlysyna arnalǵan. Jalpy 3 mln.sharshy metrden astam turǵyn úı bolady dep josparlanýda. Onyń ishinde 1 mln sharshy metr turǵyn úı 2025 jylǵa deıin paıdalanýǵa beriledi. Nátıjesinde 50 myńǵa jýyq adam jańa páterlermen qamtamasyz etiledi. Joba tolyq iske asyrlyǵan jaǵdaıda 155 myńnan astam qala turǵyny úı-jaımen qamtamasyz etiledi. Sonymen qatar, joba boıynsha 16 jańa mektep, 12 balabaqsha, 4 densaýlyq saqtaý mekemesi, sondaı-aq sporttyq jáne áleýmettik-mádenı ǵımarattar salý josparlandy.
"Nurly jer" memlekettik baǵdarlamasy aıasynda turǵyn úı qurylysy men ınjenerlik-kommýnıkasııalyq ınfraqurylym jelilerin damytýǵa memlekettik bıýdjetten qarjy bólingen.
Satyp alý quqyǵynsyz jalǵa beriletin turǵyn úılerdiń qurlysyna bólingen qarjyǵa 815 páterdi quraıtyn 20 turǵyn úıdiń qurlysy júrgizilýde. Onyń ishinde, Qyzylorda qalasynda 725 páterdi quraıtyn 15 turǵyn úı, Shıeli aýdanynda 90 páterdi quraıtyn 5 úı. Kredıttik turǵyn úıler boıynsha barlyǵy 755 páterdi quraıtyn 68, jeke kommersııalyq qurylys salýshylar esebinen barlyǵy 376 páterdi quraıtyn 10 turǵyn úıdiń qurylysy júrgizilýde.
B. Atamqulov kóterilgen máseleler boıynsha Indýstrııa jáne ınfraqurylymdyq damý mınıstrligi tarapynan qoldaý kórsetiletinin aıtty.