Kúrshimde Abaı alańy ashyldy

Alańnyń qaq ortasyna qoıylǵan hakimniń qoladan quıylǵan eskertkishiniń jalpy bıiktigi – 6 metr. Kúrshim aýdanynyń ortalyǵynda osyǵan deıin uly Abaıdyń esimi berilgen birde-bir nysan bolmaǵan eken.

Aqyn rýhyna qurmet re­tinde aýmaǵy birneshe gektardy alyp jatqan ortalyq alańǵa Abaıdyń esimi be­rildi. Uly oıshyldyń atyn­­­daǵy saıabaq tolyq abat­­tan­­dyrylyp, jan-jaǵy túngi ýaqytta samaladaı jar­qy­rady.

Jarty álemdi jaılaǵan indettiń beti qaıtyp, halyq baıaǵy tirshiligine oralǵan soń bul alań merekelik keshter uıymdastyrýǵa taptyrmas oryn bolmaq. Kórikti oryn­ǵa kásipkerlerdiń kóme­gimen uzyndyǵy 20, eni 10 metrlik sý burqaq salyndy. Jaı sý burqaq emes, áýezdi án shyr­qap, myń burala bı bıleıdi.

– Aýdan ortalyǵynyń aja­­ry kirip, kóshelerdiń jón­delip jatqany qýantady. Ja­ńadan boı kótergen es­kert­kishtiń, erteńgi ósip kele jatqan urpaq úshin óte ma­ńyzdy. Kishkentaıynan Abaıdy tanyp, óleńderin, ǵıb­ratty sózderin oqyp ósse jaman bol­maıdy, – deıdi aýdan turǵyny Meıramgúl Qozybaeva.

Sonymen qatar aýdany or­talyǵy Kúrshimde tórt kósheniń joly tolyq jón­delip, abattandyryldy. Bul jumystardyń bári sheka­ralyq aýdandardy damytý baǵdarlamasy boıynsha atqa­ryldy. Al aýdandaǵy jal­py eldi mekenderdiń ın­fra­­qurylymyna bıyl 5 mlrd teńgege jýyq qarjy bó­lindi. Endeshe, aldaǵy ýa­qyt­ta Kúr­shim óńirinde áli de aýqym­­dy jumystar atqary­lady.

Shyǵys Qazaqstan oblysy,

Kúrshim aýdany