2013 jylǵy 3 qyrkúıek, Astana, Úkimet Úıi
«Tótenshe jaǵdaılar salasynda bilimdi nasıhattaý, halyqty jáne mamandardy oqytyp-úıretý, habardar etý erejesin bekitý týraly» Qazaqstan Respýblıkasy Úkimetiniń 2003 jylǵy 17 qańtardaǵy № 50 qaýlysyna tolyqtyrýlar engizý týraly
Qazaqstan Respýblıkasynyń Úkimeti qaýly etedi:1. «Tótenshe jaǵdaılar salasynda bilimdi nasıhattaý, halyqty jáne mamandardy oqytyp-úıretý, habardar etý erejesin bekitý týraly» Qazaqstan Respýblıkasy Úkimetiniń 2003 jylǵy 17 qańtardaǵy № 50 qaýlysyna (Qazaqstan Respýblıkasynyń PÚAJ-y, 2003 j., № 2, 18-qujat) mynadaı tolyqtyrýlar engizilsin:kórsetilgen qaýlymen bekitilgen Tótenshe jaǵdaılar salasynda habardar etý, bilimdi nasıhattaý, halyqty jáne mamandardy oqytyp-úıretý qaǵıdalary mynadaı mazmundaǵy 4-1, 4-2 jáne 8-1-tarmaqtarmen tolyqtyrylsyn:«4-1. Jaǵdaıdy qadaǵalaý, baqylaý men tabıǵı jáne tehnogendik sıpattaǵy tótenshe jaǵdaılardy boljaý qyzmeti (seısmologııalyq qyzmet, sel júretinin habarlaý, radıasııalyq qaýipsizdikti baqylaý júıeleri jáne basqalar) aldyn alý maqsatynda Qazaqstan Respýblıkasynyń aýmaǵynda jáne/nemese irgeles memleketterdiń shekara mańyndaǵy aýmaǵynda tabıǵı jáne tehnogendik sıpattaǵy tótenshe jaǵdaılardyń qaýip-qateri jáne/nemese olardyń týyndaýy kezinde onyń sıpattaryn kórsetip, baılanystyń barlyq qoljetimdi túrleri arqyly tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organnyń tıisti aýmaqtyq bólimshesiniń jedel kezekshisine, sondaı-aq Qazaqstan Respýblıkasy Tótenshe jaǵdaılar mınıstrliginiń «Respýblıkalyq daǵdarys ortalyǵy» memlekettik mekemesiniń jedel kezekshisine qajetti aqparatty dereý usynady.4-2. Tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organnyń aýmaqtyq bólimshesiniń, Qazaqstan Respýblıkasy Tótenshe jaǵdaılar mınıstrliginiń «Respýblıkalyq daǵdarys ortalyǵy» memlekettik mekemesiniń jedel kezekshisi tabıǵı jáne tehnogendik sıpattaǵy tótenshe jaǵdaılardyń qaýip-qateri jáne/nemese olardyń týyndaýy týraly aqparatty alǵan kezde osy Qaǵıdalardyń 5 jáne 6-tarmaqtaryna sáıkes halyqty, ýákiletti organnyń basshylyǵyn, múddeli ortalyq, aýmaqtyq jáne jergilikti atqarýshy organdardy dereý habardar etedi.»;«8-1. Tabıǵı jáne tehnogendik sıpattaǵy tótenshe jaǵdaılardyń qaýip-qateri jáne/nemese olardyń týyndaýy týraly aqparat ýaqtyly usynylmaǵan kezde jaýapty laýazymdy adamdar Qazaqstan Respýblıkasynyń zańnamasyna sáıkes jaýapty bolady.».2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.Ahmetov.