Áıgili brıtandyq akter Alan Rıkmannyń 27 tomnan turatyn kúndelikteri bir kitap bolyp jaryqqa shyqpaq. Baspanyń habarlaýynsha, qoljazba akterdiń jıyrma bes jyldan astam ómirin qamtıdy. Iаǵnı Rıkman 1990 jyldardan bastap ǵumyrynyń sońyna deıin (2016) kúndelik jazǵan.
Kitapty Canongate baspasy 2022 jyly kúzde basyp shyǵaramyz dep josparlap otyr. Redaktory Alan Teılor. «Bul kúndelikter akter Alan Rıkmandy ǵana emes, onyń shyn bolmysyn – ónerge degen súıispenshiligi men kásibıligin ashyp kórsetedi», dedi akterdiń áıeli Rıma Horton.
Rıkman kúndelikterinde akterlik sheberlik týraly oılarymen qatar ózi kórgen pesalarǵa da sholý jasaıdy. Budan bólek saıasatqa qyzyǵýshylyǵyn, túrli shymyldyq syrtyndaǵy oqıǵalardy, «Garrı Potterdiń» túsirilimi jaıynda jazady.