Tuńǵysh Prezıdent kúni – tarıhı tańdaý kúni, barlyq qazaqstandyqtardyń Elbasy Nursultan Nazarbaevtyń tóńiregine toptasý kúni.
Keshe Memleket basshysy, «Nur Otan» partııasynyń Tóraǵasy Nursultan Nazarbaev Respýblıkalyq qoǵamdyq qabyldaýdyń Astanadaǵy jańa ǵımaratynda boldy, dep habarlady Prezıdenttiń baspasóz qyzmeti.
Memlekettilik merekesi
Tuńǵysh Prezıdent kúni – tarıhı tańdaý kúni, barlyq qazaqstandyqtardyń Elbasy Nursultan Nazarbaevtyń tóńiregine toptasý kúni.
Keshe Memleket basshysy, «Nur Otan» partııasynyń Tóraǵasy Nursultan Nazarbaev Respýblıkalyq qoǵamdyq qabyldaýdyń Astanadaǵy jańa ǵımaratynda boldy, dep habarlady Prezıdenttiń baspasóz qyzmeti.
Ǵımaratty aralaý barysynda Partııa Tóraǵasynyń birinshi orynbasary Baýyrjan Baıbek qoǵamdyq qabyldaýlardyń jańa jumys formaty týraly habardar etti.
«Nur Otannyń» qoǵamdyq qabyldaýyna Qazaqstandaǵy Halyqqa qyzmet kórsetý ortalyqtary jumysynyń úlgisi boıynsha halyqpen jumys jasaýdyń servıstik baǵdardaǵy tásilderi jáne Ońtústik Koreıa, Sıngapýr, Danııa sııaqty elderdegi ozyq tájirıbeler engizilýde.
Jańa format óńirlerdegi ahýal týraly balamaly, memlekettik organdarǵa táýelsiz aqparattar alýǵa múmkindik beredi.
Nursultan Nazarbaev turǵyndarmen «on-laın» rejiminde baılanys jasaýǵa múmkindik beretin «Elektrondy partııa» jobasymen tanysty. Partııanyń resmı saıtyna ótinish joldap, zańgerlik keńes alýǵa bolady. О́tinishtiń oryndalý barysyn nurotan.kz saıtynan da, arnaıy beriletin QR-kody arqyly da qadaǵalap otyrýǵa bolady. Sondaı-aq, partııanyń elimiz boıynsha ortaq tegin (2) 597-850 baılanys nómiri bar call-ortalyǵy qurylǵan.
Sondaı-aq, «Nur Otan» partııasynyń Tóraǵasy Respýblıkalyq qoǵamdyq qabyldaýǵa ótinishpen kelgen azamattardy qabyldady. Mysaly, Mańǵystaý oblysyndaǵy joǵary oqý ornynyń túlegi Azamat Shadırov «Jas Otanmen» birlesip EKSPO-2017 kórmesine volonterler daıarlaıtyn óńirlik shtabtar qurý jóninde bastama kóterdi. Astana qalasyndaǵy mamandandyrylǵan Balalar úıi dırektory Gúlnar Qulysheva DSP dıagnozy bar balalarǵa arnalǵan ońaltý ortalyqtaryna qoldaý kórsetýdi ótindi, ondaı ortalyqtardy uıymdastyrý qazirdiń ózinde Qazaqstannyń alty óńirinde iske asyrylýda. Aqmola oblysynyń Kókshetaý qalasynan kelgen kásipker Sergeı Mılenko «Bıznestiń jol kartasy-2020» baǵdarlamasy aıasynda quramajem zaýytyn iske qosý úshin elektr jelisi qurylysyna jáne avtomobıl joldaryn salýdy jedeldetýge kómek kórsetilse degen ótinishin bildirdi. Almaty oblysy, Qarakemer aýylyndaǵy Aqsaqaldar keńesiniń tóraǵasy K.Manekeev jergilikti ózin ózi basqarýdyń tıimdi tájirıbesin taratýǵa kómektesýdi ótindi.
«Nur Otannyń» óńirlik bólimsheleri jetekshileri beınebaılanys júıesi boıynsha partııa Tóraǵasyna XV sezde berilgen tapsyrmalardyń oryndalýy jóninde baıandady.
Memleket basshysy budan tup-týra 22 jyl buryn, Táýelsizdik tańy atqan sátte alǵash ret jalpyulttyq Prezıdent saılaýy ótkenin, sondyqtan, ótken jyly elimizdiń Parlamenti 1 jeltoqsandy Qazaqstandaǵy memlekettik mereke retinde bekitkenin atap ótti.
– Búginde biz qajyrly eńbek etken jyldar ishinde eleýli nátıjelerge birge jettik dep aıtýymyzǵa bolady. Mine, jyl aıaqtalyp keledi, jalpy alǵanda, kórsetkishter jaman emes. Sizderdi quttyqtaımyn jáne jumysta tabys tileımin, – dedi Prezıdent.
Is-shara aıaqtalǵannan keıin «Nur Otan» partııasy Saıası keńesi bıýrosynyń múshesi, Parlament Senatynyń Tóraǵasy Qasym-Jomart Toqaev Nursultan Nazarbaevqa jańa úlgidegi №1 partııalyq bıletti tapsyrdy.