Keshe «Nazarbaev ortalyǵynda» Tuńǵysh Prezıdent kúnine oraı, jastarǵa arnalǵan «Erkin eldiń erteńi» kitapshasynyń tusaýkeser rásimi ótti.
«Otandy súıý – sýyǵyna shydap, ystyǵyna kúıý», «Jer taǵdyry – el taǵdyry», «О́tkenge qarap, erteńińdi túze», «Memleket mereıi – myǵymdylyǵynda» degen ataýlarmen birneshe bólikke bólingen kitapshaǵa Elbasy Nursultan Nazarbaevtyń Qazaqstan memlekettiliginiń jańǵyrýy men damýy, armany men jarqyn bolashaǵy, birlik pen adamgershilik, qazaqstandyq patrıotızm, memleket, jahandaný, saıasat pen ekonomıka, órkenıet pen mádenıet týraly tańdamaly naqyl sózderi men oı-tolǵamdary toptastyrylypty.
Keshe «Nazarbaev ortalyǵynda» Tuńǵysh Prezıdent kúnine oraı, jastarǵa arnalǵan «Erkin eldiń erteńi» kitapshasynyń tusaýkeser rásimi ótti.
«Otandy súıý – sýyǵyna shydap, ystyǵyna kúıý», «Jer taǵdyry – el taǵdyry», «О́tkenge qarap, erteńińdi túze», «Memleket mereıi – myǵymdylyǵynda» degen ataýlarmen birneshe bólikke bólingen kitapshaǵa Elbasy Nursultan Nazarbaevtyń Qazaqstan memlekettiliginiń jańǵyrýy men damýy, armany men jarqyn bolashaǵy, birlik pen adamgershilik, qazaqstandyq patrıotızm, memleket, jahandaný, saıasat pen ekonomıka, órkenıet pen mádenıet týraly tańdamaly naqyl sózderi men oı-tolǵamdary toptastyrylypty.
Sharaǵa qatysqan «Bolashaq» baǵdarlamasynyń túlekteri men elorda mektepteriniń oqýshylary bul kitap jastar úshin Elbasy aıqyndaǵan bastamalardy júzege asyrý jolyndaǵy rýhanı bastaý bulaq jáne bolashaqqa baǵyttalǵan dańqty joldyń baǵdarshysy, deı kele, Elbasynyń: «Kez kelgen el óziniń keleshegin óskeleń urpaǵymen baılanystyrady. Bizdiń bolashaǵymyz – jastar», degen sózin mysalǵa keltirdi.
Is-sharany uıymdastyrýshylar qoıyn kitapshasy úlgisinde qazaq, orys jáne aǵylshyn tilderinde jaryq kórgen bul jınaq «Qazaqstan-2050» Strategııasyn júzege asyrý barysynda jastarǵa baǵa beretin baǵdarsham ispetti ekenin atap ótti. Sondaı-aq, jastarǵa artylǵan úlken úmitti abyroımen aqtaý maqsatynda «keıingi tolqyn «bir jaǵadan – bas, bir jeńnen – qol» shyǵaryp, el ıgiligi úshin tynbaı eńbek etýleri kerek» degen oılaryn jetkizdi. «Bul shaǵyn kitapsha – elimizdi erlikke, halqymyzdy birlikke shaqyratyn jalyndy sózderdiń jınaǵy. Ol keleshekte árbir qazaqstandyqtyń qoıyn kitapshasyna aınalatynyna senimdimiz», dep qorytty olar bul týrasynda.
Bul kúngi sharada «Bolashaq» baǵdarlamasynyń Abaı Qojamjarov, Erkebulan Muqanov syndy túlekteri de sóz alyp, Elbasynyń Qazaqstan memleketiniń órkendeýi men jańarýyna qosqan úlesi men eńbegin, táýelsiz Qazaqstannyń 22 jyl ishinde qol jetkizgen jetistikterin oı elekterinen ótkizdi. Eldiń endigi bolashaǵy ózderiniń, ıaǵnı búgingi jastardyń qolynda ekenin atap ótti. Máselen, Shveısarııanyń bedeldi ýnıversıtetteriniń birinde bilim alǵan E.Muqanov Elbasynyń jastarǵa árdaıym kóńil bóle otyryp, úlken senim artatynyna, «Bolashaq» baǵdarlamasy sonyń aıqyn dáleli ekenine toqtaldy. Máselen, ol óz sózinde: «Egemendik alǵan jyldardan beri qanshama myńdaǵan jas shetel asyp, álemniń ozyq oqý oryndarynda bilim aldy. Búginde olar elimizge oralyp, memleket ıgiligi úshin san túrli salada qyzmet etýde. Qazirgi tańda da osy baǵdarlama aıasynda bilim nárimen sýsyndap jatqan qanshama jas bar. Bolashaqta sender de bizdiń, ıaǵnı aǵa-apalaryńnyń jolyn qýyp, «Bolashaq» baǵdarlamasynyń túlegi atanýlaryń ábden múmkin. Ol úshin bilimderińdi molaıtyp, talmaı izdenýleriń kerek», dep óziniń aǵalyq aqylyn aıtty.
Bul kúni, sondaı-aq, «Erkin eldiń erteńi» kitapshasynyń tusaýkeseriniń aıasynda N.Nazarbaevtyń «Oı bólistim halqymmen» atty aýdıokitabynyń AppStore, Play Market jáne Marketplace-ke arnalǵan elektrondy qosymshalarynyń tusaýy kesildi. «Budan bylaı, atalǵan týyndylar ınternet-dúkender arqyly barsha qazaqstandyqtarǵa qoljetimdi bolady», deıdi shara belsendileri.
Tuńǵysh Prezıdent kúnine arnalǵan tusaýkeser rásiminiń sheńberinde, sonymen qatar, jastardyń Elbasy Nursultan Nazarbaevqa joldaǵan beınehaty kórsetilip, budan keıin jınalǵan jurtshylyq «Úlken saıasattaǵy rııasyz kezdesýler» derekti fılmin tamashalady.
Shara sońynda «Bolashaq» baǵdarlamasynyń túlekteri elordanyń birqatar bilim uıalarynyń úzdik oqýshylaryna Elbasynyń qoltańbasy qoıylyp, tilegi jazylǵan kitaptardy tabys etti.
Láıla EDILQYZY,
«Egemen Qazaqstan».