Jańa dáýir – jańa dástúr

Táýelsiz memleket, erikti erkin el bola alǵanymyzdyń arqasynda buryn-sońdy tarıhymyzda kórmegen jaqsylyqtarǵa búgingi urpaqtyń qol jetkizip otyrýy – erekshe baqyt.

Osy kúnge jetý jolynda qanshama asýlar men belesterden ótti halqymyz...

... О́tken ǵasyrdyń 80-shi, 90-jyldary sol kezdegi Keńes Odaǵy keńistigi qaıshylyqqa, qoǵamdyq aǵystardyń tolqynyna toly boldy.

Mıhaıl Gorbachev bılikke kelgennen keıin «qaıta qurý» naýqany bastaldy. Burynǵy kommýnıstik partııanyń basshylyǵy qyzmetine, kommýnıstik partııanyń qoǵamdaǵy ornyna jáne onyń qyzmetiniń synı turǵydan saraptalýyna aıryqsha basymdyq berilgendikten halyq áýel bastan ol ıdeıany qoldady.

Táýelsiz memleket, erikti erkin el bola alǵanymyzdyń arqasynda buryn-sońdy tarıhymyzda kórmegen jaqsylyqtarǵa búgingi urpaqtyń qol jetkizip otyrýy – erekshe baqyt.

Osy kúnge jetý jolynda qanshama asýlar men belesterden ótti halqymyz...

... О́tken ǵasyrdyń 80-shi, 90-jyldary sol kezdegi Keńes Odaǵy keńistigi qaıshylyqqa, qoǵamdyq aǵystardyń tolqynyna toly boldy.

Mıhaıl Gorbachev bılikke kelgennen keıin «qaıta qurý» naýqany bastaldy. Burynǵy kommýnıstik partııanyń basshylyǵy qyzmetine, kommýnıstik partııanyń qoǵamdaǵy ornyna jáne onyń qyzmetiniń synı turǵydan saraptalýyna aıryqsha basymdyq berilgendikten halyq áýel bastan ol ıdeıany qoldady.

Biraq, jaqsy bastalǵan sóz sozbalańǵa túsip, naqty isterdiń nemese nátıjelerdiń tóbesi kórinbeı, qoǵamda tek pikirtalas órship, burynǵynyń bárin joqqa shyǵarýdan asa almaı, jańa qadamdar baıqalmady. «Qaıta qurý» saıasaty ıdeıadan asyp, naqty tıimdi áreketterge sheshilip kirise almaǵandyqtan oń nátıje bere qoımady. Partııanyń belsendiligin jáne qoǵamdaǵy rólin kúsheıtý týraly áńgime neǵurlym kóp bolǵan saıyn, solǵurlym partııanyń arasynda qojyraýshylyq kúsheıip, óris aldy. Kúndelikti tirshilikke tán usaq-túıekke, mysaly vagondardan azyq-túlik, qurylys materıaldaryn, kómir-otyndy túsirýge deıin Máskeýdegi Ortalyq partııa komıtetinen nusqaýlar kelip, sharýashylyq basshylyqtarynyń ornyna partııa uıymdary aralasyp ketti. Sharýashylyq máselelerine tikeleı jaýap beretin oryndar jumys isteýdi qoıdy, jaýapkershilikten shettetildi. Olar partııadan qoıylyp jatqan máselelerdi partııanyń ózine ıterip salyp, qandaı da kemshilikterdiń bári partııanyń kemshiligi sanalatyn boldy. Osy sııaqty «qaıta qurý» ıdeıasy durys bolǵanymen, onyń uıymdastyrý strategııasy áýel bastan aıqyndala almaı, negizgi maqsattary arnaıy tujyrymdamamen bekitilmesten kóp jaǵdaıda stıhııaly túrde júrgizildi. Mundaı «bastama» partııanyń jetekshi kadrlaryn jerden alyp, jerge salýmen ushtasyp ketti. Gorbachevtiń ózi aıtqan «tós pen balǵanyń ortasynda» partııanyń basshylyq qyzmetkeri, sımvolıkalyq túrde «tós» degen ıaǵnı jumysshy taby, «balǵa», ortalyq bılik, al ortasynda partııanyń qyzmetkerleri. «Taıaq jeıtin» solar. Jalpy partııanyń ózinde kóp máseleler toǵytylyp, jınalys kóbeıip ketti de, aıtylǵan máselelerdiń bári sóz júzinde qalyp, onyń oryndalýyn uıymdastyrýǵa ekpin berilmeı qaldy. «Qaıta qurý» ıdeıasynyń ózi aıaǵy osylaı sıyrquıymshaqtanyp, qumǵa sińgen sýdaı bolyp jatty.

Bıliktiń jańa qurylymyn tabý maqsatynda sol kezde M.Gorbachevtiń KOKP Ortalyq Komıtetiniń usynysymen memleketti basqarýshy prezıdent ınstıtýty engizilip, KSRO Joǵarǵy Keńesiniń jınalysynda Mıhaıl Gorbachev Keńes Odaǵynyń prezıdenti bolyp saılandy. Osy úrdis aldymen Reseıde, odan keıin basqa odaqtas respýblıkalardyń barlyǵynda da engizile bastady.

1989 jyly 22 maýsym kúni Qazaqstan Kompartııasy Ortalyq Komıtetiniń plenýmy bolyp, sol plenýmda budan buryn birinshi hatshy bolǵan Gennadıı Kolbın Máskeýge qyzmetke ketýine baılanysty jumystan bosatyldy da, onyń ornyna sol kezdegi bizdiń respýblıka Úkimetin basqaryp turǵan Nursultan Ábishuly Nazarbaev Qazaqstan Kompartııasy Ortalyq Komıtetiniń birinshi hatshysy bolyp saılandy. Ke­lesi jyly, 1990 jyldyń sáýir aıynda Joǵarǵy Keńes pen Qazaqstan Kompartııasy Ortalyq Komıtetiniń she­shimi boıynsha Qazaqstanda prezıdent ıns­tıtýty engizilip, Nursultan Ábish­uly Na­zarbaev Joǵarǵy Keńeste Qazaq KSR-iniń Prezıdenti bolyp saılandy.

1991 jyldyń tamyz aıynda bolǵan, Máskeýdegi Ortalyq bılik ókilderi sol kezdegi Keńes Odaǵynyń vıse-prezıdenti G.Iаnaev, ıaǵnı memlekettegi ekinshi adam bastaǵan áıgili «tamyz búligi» Kommýnıstik partııanyń qulaýyna ákelip soqty. Osyny jedel ári oryndy paıdalanyp, burynǵy Keńes Odaǵynyń quramynda bolǵan Baltyq jaǵalaýy res­pýblıkalary, Kavkazdaǵy respýblıkalar ózderiniń Keńes Odaǵy quramynan shyǵatyndaryn, táýelsiz memleket bolatyndaryn jarııa etti.

1991 jyldyń 18-19 tamyzyndaǵy oqıǵalar «tamyz búligi» degen ataýlarǵa ıe bolǵan. Birinshiden, ony uıymdastyrýshylardyń kózdegen maqsatynyń oırany shyqty. Ekinshiden, olardyń sol kezdegi Kommýnıstik partııanyń bıligin turaqtandyramyz, arttyramyz, Máskeýdegi Ortalyq bılikti kúsheıtemiz degen oılary júzege asqan joq. Kerisinshe, Ortalyq bıliktiń abyroıyn túsirip, Kommýnıstik partııany taratýǵa basty sebep bolyp, olardyń áreketi «memlekettik tóńkeris» dep tanylyp, túgeldeı jaýapqa tartyldy. Onyń quramynda Gennadıı Iаnaev, sol kezdegi Keńes Odaǵy Joǵarǵy Keńesiniń tóraǵasy Anatolıı Lýkıanov, basqa odaqtyq dá­re­je­degi laýazymdyq qyzmetkerler bolǵan.

1991 jyly «tamyz pýtchinen» keıin qysqa merzimde bizde de, Qazaqstanda óte jedel, jınaqy túrde Nursultan Nazarbaev óziniń tolyq bıligin paıdalanyp, kezekten tys partııanyń sezin ótkizip, burynǵy Kommýnıstik partııany taratty. Kóp partııalylyq jarııalandy. Osydan keıin resmı memlekettik bılik partııanyń qolyna emes, memlekettik resmı quzyrly orynnyń qolyna kóshti. Biraq Prezıdentti Joǵarǵy Keńes saıla­ǵandyqtan, onyń bılik quzyry soǵan da baılanysty boldy.

Nursultan Ábishuly osy, taǵy basqa ishki, syrtqy jaǵdaıdy eskere otyryp, elde búkilhalyqtyq saılaý ótkizýge ózi bastamashy boldy. Kóp uzamaı 1991 jyldyń 1 jeltoqsanyna búkilhalyqtyq saılaý jarııalandy. Sol saılaý arqyly Qazaqstannyń jańa dáýirge bet alyp turǵan kezeńinde halyqtyń kóńil-kúıin, sheshimin baıqaý qajet boldy.

Saılaýǵa búkil halyq úlken yqylas, qoldaý kórsetti.

Búkilhalyqtyq saılaýdyń negizgi maqsaty halyqtyń bılikke senimin baıqaý arqyly eldiń yntymaǵyn, tutastyǵyn qamtamasyz etýmen birge, qandaı da jańa reformalarǵa qoldaý alý edi. Sonymen birge, Prezıdent bıliginiń eshkimge táýeldi bolmaýy, eshqandaı memlekettik quzyrly orynǵa, eshqandaı Keńeske de, eshqandaı partııaǵa da táýeldi bolmaı, tek qana halyqtyń aldynda jaýapty ekendigi týraly anyq uǵym qalyptastyryp, bılik pen halyq arasynda jańa qarym-qatynasqa jol salý oıda edi.

Bul saılaý – tek saılaý aýqymy men mártebesin kóterý úshin ǵana emes, eń aldymen halyqtyń jańa sanasyna, qoǵamnyń jańa sapasyna bet túzeý arqyly halyqtyń óz ókilettiginiń shynaıylyǵyn ornyqtyryp, bılikte de, qoǵam ómirinde de halyqtyń belsendiligin, jaýapkershiligin arttyrý edi. Bul, sóz joq, buqaralyq sananyń jańa satysy, jańa sapasy bolatyn.

Kommýnıstik partııa taratylǵannan keıin 1991 jylǵy tamyzdyń aıaǵynda Prezıdent Jarlyǵymen jańa bılik qurylymdary qurylyp, Qazaqstan Úkimetiniń jańarǵan quramy bekitildi. Solardyń qatarynda Baspasóz jáne buqaralyq aqparat quraldary mınıstrligi qurylyp, sonyń tuńǵysh mınıstri bolýǵa Prezıdent osy maqalanyń avtoryna senim kórsetip, Prezıdenttiń saılaýymen shuǵyldanatyn birden-bir jetekshi mınıstrliktiń bireýin basqarý baqytyna ıe boldym.

Qandaıda «saılaý» degen naýqan qoǵamdyq pikir, úgit-nasıhat, qoǵamdyq kóp­shilik jumystarmen baılanysty, son­dyqtan, árıne, bizdiń mınıstrliktiń saılaýǵa baılanysty jumysy da, jaýap­ker­shiligi de molynan bolǵany da tabıǵı.

Saılaý naýqanyna Prezıdent laýazymynda júrgen, ári saılaýǵa úmitker retinde qatynasatyn Nursultan Ábishuly ózi bas bolyp, belsene aralasty. Ási­rese, erekshe este qalǵan oqıǵalar – Pre­zı­denttiń qalyń elmen, saılaýshylarmen kezdesýleri edi.

Sol kezdegi Nursultan Ábishulynyń el aldyndaǵy eldi baýrap alatyn shyn júrekten shyǵyp, kómekeıden tógilgen adamı sheshendik sózderi, kópshiliktiń suraqtaryna utqyr, arasynda jumsaq ázil aralas jaýaptary, ár kezdesýi qoǵammen jumys isteýdiń tamasha úlgisi, saıası naýqan ótkizýdiń tutas ýnıversıtetindeı bolǵany da kóz aldymyzda. Saılaýshylarmen kezdesip, olarmen dıdarlasý, pikir alysý, suraqtaryna jaýap berý maqsatynda Prezıdent barlyq oblystardy túgel qamtyp, aralap shyqty. Elde esten ketpes kezdesýler ótti.

Saılaý kezinde keıbir Úkimet múshe­leri, laýazymdy qyzmetkerler Nursultan Ábishulymen birge óńirlerge baryp, kezdesýlerge qatynasý senimine de ıe boldyq.

Jambyl, Qaraǵandy, Jezqazǵan oblys­­taryna (ol kezde Jezqazǵan oblysy bólek) barǵanda arnaıy mádenıet saraı­larynyń ǵımarattarynda, jumys oryndarynda halyq ókilderimen jos­parly kezdesýlerden tys kezdesýler de halyqtyń erekshe kóńil kúıin, bolashaqqa senimin kórsetti. Sondaı kezdesýlerdiń biri – Taraz (ol kezde Jambyl) qalasynyń Ortalyq alańynda teatrdaǵy kezdesýden soń josparsyz ótti. Alańda myńdaǵan adamdar jınalyp turǵanyn kórgen Prezıdent avtokólikti toqtatyp, qalyń elge qaraı júrdi. Sol tusta qaýipsizdik qyzmetteriniń mazasyzdanǵany da ras. Bárimiz úshin kútpegen burylys kezdesý boldy. Merzim kesh qarańǵylyǵy. Alańda minbe de, mıkrofon da joq. Mundaı kezdesý josparlanbaǵan. Nursultan Ábishuly toptyń ortasyna kirip, áńgimelesip, birazdan keıin mıkrofon jalǵandy. Áńgime bir saǵattan astam ýaqytqa sozyldy. Jınalǵandar sońynda rıza bolyp, uzaq qol soǵyp, Prezıdentke sát sapar tilep, qımaı qoshtasty.

Kelesi kúni Jezqazǵanǵa keldik. Jezqazǵanda da sondaı úlken kezdesý boldy. Jezqazǵannan keıin Qaraǵandyǵa keldik. Qaraǵandy, Temirtaýda da orasan kóp halyq qatynasqan úlken kezdesýler ótti. Qaı jerde de Elbasyna degen halyqtyń senimi men qoldaýy óte zor boldy.

Saılaý buryn-sońdy bolmaǵan halyqtyń yqylasyn, saılaýǵa múddeliligin, birligin kórsetti. Bul – shyn máninde óziniń mazmuny jaǵynan da, ótkizý tásili jaǵynan da jańa saılaý edi. Saılaý kezinde balama úmitkerler týraly da ashyq áńgime aıtylyp, balama saılaýǵa usynylǵan nemese bireýler usynǵan adamdardyń barlyǵynyń ózderi, is basyndaǵy Prezıdent Nursultan Ábishulyna arqa súıep, «osy tulǵaǵa úmit artamyz, osy kisige senemiz, bolashaǵymyzdy senip tapsyramyz», dep, búkil halyq, tipti opponenttik kózqarastaǵy azamattardyń ózderi Prezıdentti qoldap shyqty. Saılaý erekshe rýhanı jańarý jaǵdaıyn kórsetti. Halyqtyń sheksiz senimi búkil halyqty bir maqsat, bir múddege jumyldyryp, sondaı almaǵaıyp zamanda el basqarar eriniń, jol silter kóseminiń, sóz aıta alar shesheniniń janyna toptasa aldy.

Ol kezde áli biz Keńes Odaǵynyń quramyn­damyz. Bizdiń negizgi ónerkásip oryndarymyz Máskeýmen, Odaqtyń ká­siporyndarymen tikeleı baılanys­ty, ónerkásip salasynyń 93 paıyzy túgeldeı Máskeýden basqarylady. Qarjy, bank máselesi túgeldeı Máskeýdiń qolynda. О́nerkásip oryndary toqyrap, ónim tómendep, turmys nasharlap, Odaq kóleminde ekonomıka daǵdarysqa ushyrap jatty. Myzǵymastaı bolǵan Kommýnıstik partııa qulap, taraǵannan keıin Odaqtyń ne bolaryn bile almaǵan qalyń el mundaıda tek senimdi tulǵaǵa ǵana arqa súıep, taǵdyrynyń bolashaǵyn soǵan qosaryna toqtady. Nursultan Nazarbaevpen kezdesýlerge – meıli ol jumys ornynda, nemese májilis zaldarynda, mádenıet saraılarynda, tipti, ashyq alańdarda bolsyn – aǵylǵan elde esep joq.

Sol kezdesýlerde erekshe bir ashyqtyq, aıryqsha senimdilik, búkpesiz qoldaý, shynaıy uıymshyldyq boldy. Qoǵam jańa kezeńniń qarsańyn sezingendeı rýhanı órlikke, úmitke bet túzep, eńsesin kóterdi. Egemendik, táýelsizdik týraly áńgime qozǵalǵanymen áli de Keńes Odaǵynan bólinip ketemiz be, ketpeımiz be degen ekiushty tolǵaqty oı tııanaqtala qoımaǵan kez. О́ıtkeni, sol jyldyń naýryz aıynda Keńes Odaǵy boıynsha referendým ótkizilip, Keńes Odaǵynyń saqtalýy qajet pe, qajet emes pe degen suraqqa Qazaqstan saılaýshylarynyń 80 paıyzdan astamy «Keńes Odaǵy qajet» dep daýys bergen. «Keńes Odaǵynsyz jaǵdaıymyz qalaı bolady?» degendeı dúdámal senimsizdik sanany jaılap turǵan kez. Qazir sol kezde solaı boldy degenge tań qalatyn adamdar kóp. О́ıtkeni, ol kezdegi túgel tirshilik Keńes Odaǵymen tikeleı baılanysty edi. Odaqtyń quramynan shyǵyp ketsek, qalaı kún kóremiz degen oı basymyraq bolǵany da shyndyq.

Nursultan Ábishuly prezıdenttikke kandıdat, úmitker retinde barlyq óńir­lerde ashyq kezdesýler ótkizip, respýb­lıka tarıhynda bolmaǵan buqaralyq belsendilikke qol jetkizdi. Búkil halyq qatynasty kezdesýlerge. Halyq ashyq – «qaıda baramyz?», «ne isteımiz?», «kim bolamyz?», «qandaı jolmen, qandaı qundylyqtarmen júremiz?» degen baǵytta suraqtaryn da tógip jatty. Táýelsizdikke baılanysty tyń oılar sol kezdesýler ústinde aıtyldy. Jańa ekonomıkalyq qurylym, jańa baǵyttar, joldar, jańa qoǵam qurý máseleleri kezdesýlerdiń ózegin qurady. Sonda barlyq jaǵdaıdy túsindirip, Nursultan Ábishuly: «Qalaı bolǵan kúnde de bizge eshkim bir japyraq nanyn bólip bermeıdi, biz ózimiz nan tabýymyz kerek degen oıda, ıaǵnı óz kúnimizdi ózimiz kóretin jaǵdaıda bolýymyz kerek, biz óz ekonomıkamyzdy ózimiz jasaýymyz kerek, bizge eshkim jasap bermeıdi. Ol úshin barlyq salany reformalaýymyz qajet, jańa ozyq tehnologııa ákelýimiz qajet, búkil tirshiligimizdi jańartýǵa mindettimiz. Árıne, ondaı jaǵdaıǵa jetý úshin halyqtyń birligi, yntymaqtastyǵy kerek, qoǵamnyń tynyshtyǵy, túsinistigi kerek. Tek sondaı jaǵdaıda ekonomıkalyq reformalar jasaýǵa múmkindigimiz bolady», dep, ekonomıkalyq reforma qajet­tikterin jáne sol kezde keıingi bolǵan jańalyqtardyń kópshiliginiń alǵashqy baspaldaqtaryn halyq nazaryna jarııa etti.

1 jeltoqsanda saılaýshylardyń       98, 78 paıyzynyń daýysyn alǵan Nur­sultan Ábishuly Nazarbaev Qazaq­­­stan­nyń Tuńǵysh Prezıdenti bolyp saılandy.

Tuńǵysh búkilhalyqtyq Prezıdent saılaýy – bizdiń memleketimizdiń tarıhynda, memleket bolyp qurylyp, táýelsizdik alardyń aldyndaǵy eń sheshýshi oqıǵalardyń biri boldy.

1991 jylǵy 1 jeltoqsan kúngi saılaý aıaqtalǵannan keıin Úkimet aldynda ulyqtaý rásimin, resmı qyzmetke kirisý máselesin konstıtýsııalyq túrde ótkizýdi uıymdastyrý mindeti turdy. Bul jumysty júrgizý Premerdiń orynbasary Myrzataı Joldasbekov basqarǵan topqa júkteldi. 1991 jylǵy 10 jeltoqsan – tuńǵysh ret ulyqtaý rásimi boldy. Ol týraly baspasózde de áldeneshe ret jazyldy. Sondyqtan oǵan kóp toqtalmaıyn, ulyqtaý rásimi kezinde jurt kóńilinde qalǵan bir ǵana, qas-qaǵym sátti aıtpaı kete almaspyn.

Sol kezdegi Qazaqstan Týy sahnaǵa shyǵarylyp, Nursultan Ábishuly elge, Tý aldynda tize búgip, Konstıtýsııaǵa qolyn qoıyp, memleketke adal qyzmet etetinine tuńǵysh ret ant berdi. Jańǵyrǵan ulttyq sana jańa dástúrge jol ashty.

Osy kezde oqys, eshkim kútpegen, kózimen kórgen adamnyń júregin dir etkizgen bir kórinis boldy. Nursultan Nazarbaev ant berip, ózi ornyna otyrǵan kezde sahnanyń artyndaǵy aýyr, úlken shymyldyqtyń lebimen soqqan jeldiń kúshimen flagshtokqa shanshylyp turǵan tý qulaı bergende sál shalqaıyp baryp, shap berip ustap qaldy. Bul – ǵa­jap kórinis boldy. Tý qulap bara jatqan kezde júregimiz ókshemizge tústi. Ol týraly kezinde Myrzataı Jol­dasbekov, Saýytbek Abdrahmanov (ol kezde Prezıdent Apparatynda bólim meńgerýshisiniń orynbasary bolatyn) jazdy. Sahnadaǵy júris-turystyń bárine jaýap­ty qyzmetker retinde Saýytbek bekitilgen. Sondyqtan onyń bárin táptishtep aıtyp jatýdyń qajeti bolmas. Osy kúnge deıin tań qalatynym – tý syrtynda Týdyń qulap bara jatqanyn Prezıdent qalaı sezip qalǵan?! О́ziniń sezimtal sergek tabıǵatynyń, ári jınaqy, shıraq, sportpen shuǵyldanyp júrgeniniń arqasy bolýy kerek. Jel lebimen qulap bara jatqan Týdy qulatpaı, bir qolymen dińinen ustap qalǵan kezde zal qol soǵyp jiberdi. Sonda biz bárimiz ishimizden «Týymyz jyǵylmaıdy eken, qazaqtyń týyn Nursultan Nazarbaev qaıtadan kóteredi eken» dep yrymdadyq, kókiregimizge senim uıalady. Osy sát meniń únemi kóz aldymda, esimde.

Mine, osyndaı, keıde bir ǵajaıyp, kútpegen oqıǵalar, adamnyń sana sezi­mine sımvolıkalyq áser etetin oqıǵalar da bolady.

Shúkir, halyq senip tapsyrǵan ult Týyn Nursultan Ábishuly órlikpen, erlikpen kóterip-aq keledi.

1991 jyldyń 1 jeltoqsan kúni Qazaqstanda ótken tuńǵysh búkil­halyq­tyq saılaý, shyn máninde, jańa dáýirdiń jańa jarshysy, bastamashysy boldy.

Saılaý Qazaqstan halqynyń orasan birligin, tutastyǵyn, yntymaqtastyǵyn kórsetti. Eldiń eńsesi kóterildi. Qoǵamda jańa qatynas, jańa dúnıetanym, bolashaqqa degen senim qalyptasa bas­tady. Halyq óz taǵdyryn, óziniń damý, órkendeý jolyn ózi tańdaı alatynyna kózi jetti.

Saılaý jańa ómirdiń, jańa tarıhtyń betashar paraǵy boldy.

Saılaý ultymyzdyń, halqymyzdyń erkin, táýelsiz memleket qura alatynyna senim týǵyzdy.

Ulyqtaý (ınaýgýrasııa) ótkennen soń Tuńǵysh Prezıdent Nursultan Nazarbaevtyń usynysymen jáne óziniń belsendi túrde qatynasýymen Qazaq SSR-i Joǵarǵy Keńesi depýtattarynan arnaıy jumys toby qurylyp, ony áıgili zańger Sultan Sartaev basqa­ryp, quramynda – Salyq Zımanov, Manash Qozybaev, Jabaıhan Ábdildın, Ábish Kekilbaev, Zınaıda Fedotova, Sherhan Murtaza, Ǵaırat Saparǵalıev sııaqty kórnekti tulǵalar bar, zań jobasyn jasady. Sol zań jobasy 15 jel­toqsan tańerteń jarııalanyp, eki kún talqylaý, pikirtalastan ótip, nátıjesinde 16 jeltoqsan kúni keshki saǵat on segizden asa bere Zań talqylaýy aıaqtalyp, Qazaqstan Respýblıkasynyń memlekettik táýelsizdigi týraly Kon­s­­tıtýsııalyq Zań qabyldanyp, ǵasyr­lar boıy ata-babalarymyz armandap, talaı urpaq jolynda qurban bolǵan Táýelsizdigimizdi jarııa ettik.

Mine, sol kezdegi bizdiń memlekettik táýelsizdigimizge bet túzegen iri oqıǵanyń bastamasy – 1991 jyldyń 1 jeltoqsanynda ótken Tuńǵysh Prezı­denttiń tuńǵysh búkilhalyqtyq saılaýy edi. Jańa dástúr jaryqqa kelip, Tuńǵysh Prezıdent kúni búkilhalyqtyq mereke bolyp, turmysymyzǵa endi. Sondyqtan da, bul kúnniń elimizdiń tarıhyndaǵy orny bólek. Bul tek – jańa dáýirdiń jańa dástúrin bastap bergen kún. Ol dástúr bizdiń jasampazdyq jolymyzdyń bastaýyna aınaldy.

Qýanysh SULTANOV,

Parlament Májilisiniń depýtaty,

«Nur Otan» partııasy fraksııasynyń múshesi.