Memlekettik komıssııanyń mindeti aıqyn

Bıyl 24 qarashada Memleket basshysy Qasym-Jomart Toqaev «Saıası qýǵyn-súrgin qurbandaryn tolyq aqtaý jónindegi memlekettik komıssııa týraly» Jarlyqqa qol qoıǵan bolatyn.

Osyǵan oraı keshe Nur-Sultan qala­synda Qazaqstan Respýblıkasy­nyń Memlekettik hatshysy Qyrymbek Kósher­baevtyń tóraǵalyǵymen Saıası qýǵyn-súrgin qurbandaryn tolyq aqtaý jónindegi memlekettik komıssııanyń birin­shi otyrysy ótti.

Memlekettik komıssııa quramyna Prezıdent Ákimshiligi men Úkimetiniń ókilderi, Parlament Senaty men Májilis­tiń depýtattary, múddeli memlekettik uıymdardyń basshylary, qoǵamdyq uıymdardyń ókilderi men elimizdiń ǵalym­dary bar. Barlyǵy Komıssııa quramyna 49 adam kiredi.

Memlekettik hatshy óziniń sóılegen sózinde Memlekettik komıssııanyń bas­ty mindeti – keńestik kezeńdegi saıası qýǵyn-súrgin qurbandarynyń barlyq sanattaryna qatysty tarıhı ádilettilikti tolyq qalpyna keltirý ekenin atap ótti. Materıaldarǵa jan-jaqty ári keshendi zerdeleý júrgizgennen keıin, halyqaralyq tásilder men standarttar negizinde tolyqtaı zańdy, al jekelegen sanattarǵa qatysty – qýǵyn-súrgin qurbandaryn saıası aqtaý jos­parlanyp otyr.

Otyrys barysynda Memleket­tik ko­mıs­­sııanyń qyzmetin uıymdas­tyrýdyń min­det­­teri men negizgi sátteri, onyń 2020-2021 jyl­darǵa arnalǵan jumys jospary, qý­ǵyn-súrgin qurbandarynyń túrli toptaryn aqtaý jónindegi qyzmetti ádisnamalyq qam­tamasyz etý máseleleri qaraldy. Qý­ǵyn-súr­ginge ushyraǵan ártúrli toptardy aq­taý ba­ǵyttaryn pysyqtaý úshin arnaıy ju­mys toptaryn qurý usynyldy. 

Otyrys qorytyndylary boıynsha Memlekettik komıssııa tóraǵasy Qyrym­bek Kósherbaev múddeli mem­lekettik jáne jergilikti atqarýshy organdarǵa Mem­leket­tik komıssııa qyzmeti máseleleri jóninde birqatar naqty tapsyrma berdi.