Elbasynyń ózi jıi eskertetindeı, kásipkerlerdi jıi tekserýdi doǵaratyn kez keldi. Bul týraly jaqynda О́skemende oblys ákimdigi, óńirlik kásipkerler palatasy men oblystyq prokýratýra birlesip ótkizgen alqaly jıynda keńinen sóz boldy.
*Prezıdent tapsyrmasy qalaı oryndalýda?
Elbasynyń ózi jıi eskertetindeı, kásipkerlerdi jıi tekserýdi doǵaratyn kez keldi. Bul týraly jaqynda О́skemende oblys ákimdigi, óńirlik kásipkerler palatasy men oblystyq prokýratýra birlesip ótkizgen alqaly jıynda keńinen sóz boldy.
Osyndaı quramda birinshi ret ótkizilip otyrǵan keńeıtilgen alqa májilisi onlaın rejiminde júrgizilip, oǵan barlyq deńgeıdegi prokýrorlar, oblystyq departamentter men basqarma basshylary, qala jáne aýdan ákimderi qatysty. Májiliste óńirdegi kásipkerlerdiń quqyǵyn qorǵaýdaǵy prokýrorlyq qadaǵalaýdyń jaıy talqylandy. Oblystyq prokýratýranyń áleýmettik-ekonomıkalyq saladaǵy zańdylyqty qadaǵalaý jónindegi basqarma basshysy R.Shiderınovtiń sózine qaraǵanda, kásipkerlerdi zańsyz tekserýdiń 651 faktisi tirkelgen. 645 josparly jáne 6 jospardan tys tekserýler, sonymen birge, zańdylyqty buza otyryp 194 tekseris júrgizilgen. Oryn alǵan oqıǵaǵa oraı bul zań buzýshylyqty joıý jóninde 47 usynys, 11 narazylyq engizilgen. Tártiptik jaýapkershilikke 80 laýazymdy tulǵa, ákimshilik jaýapkershilikke úsh tulǵa tartylypty.
– Elbasy N.Nazarbaev shaǵyn jáne orta kásipkerlikti damytýǵa erekshe kóńil bólip otyr. Bul týraly Úkimettiń keńeıtilgen májilisinde oryndy aıtylyp, túrli tekserýlerdiń azaıýdyń ornyna kóbeıip bara jatqanyna alańdaýshylyq bildirip, quqyq qorǵaý salasy qyzmetkerlerine tekseristerdi orynsyz júrgizgenderge qatań shara qoldanýdy tapsyrǵany belgili. Al myna faktiler kóńil kónshitpeıdi. Oblys turǵyndarynyń jumys isteýge qabileti bar bóliginiń 31 paıyzy osy salada eńbek etip, bala-shaǵasyn asyrap otyr. Olar jyl saıyn 470 mıllıard teńgeniń ónimderin óndirip, 60 mıllıard teńgeni oblys bıýdjetine aýdarady eken. Endeshe zańsyz áreketterdi tııatyn kez jetti, – dep oblys ákimi B.Saparbaev qatań eskertý jasady.
Orynsyz tekserister tyıylar emes. Demek, ne isteý kerek? Oblys prokýrory Baǵban Taıymbetov kásipkerliktikti qorǵaý zańnamalarynyń saqtalýy jáne kásipkerlik nysandarynyń quqyqtaryn buzý oqıǵalaryn boldyrmaý jáne sol maqsatta kásipkerlerge jedel kómekke keletin mobıldi toptardyń jumys isteı bastaǵanyn aıtty. Kásipkerler úshin «senim telefony» jumys isteıdi. Bıyl jyl basynan senim telefonyna 44 shaǵym kelip túsken. Onyń 27-sinde zańsyzdyq oryn alǵany rastaldy. Shaǵymdar boıynsha zań buzýshylyqty joıý týraly 10 usynys, 8 zańsyz áreketke oraı 4 narazylyq engizilipti. Tártiptik jaýapkershilikke 8 laýazymdy tulǵa, 3 adam ákimshilik jaýapkershilikke tartylǵan. Budan keıin oblys prokýrory Baǵban Taıymbetov birneshe aýdandardaǵy prokýratýra qyzmetkerleriniń senim telefonyna zańsyz tekserý týraly aryz-shyǵymdardyń túskenin, tekseris kezinde olardyń shyn máninde oryn alǵany anyqtalǵanyn aıta kelip, aldaǵy ýaqytta zań buzýshylyq qaıtalana berse, qatań shara qoldaný qajettigine toqtaldy.
Shyǵys Qazaqstan oblysy kásipkerler palatasynyń dırektory I.Shaskıı kásipkerlerdi zańsyz tekserýlerge alańdaýshylyq bildirdi. О́skemen qalasynyń ákimi T.Qasymjanov oblys ortalyǵynda kásipkerlikti qoldaýda atqaryp jatqan isterin aıtyp berdi. Oblystyq kásipkerlik jáne ındýstrııalyq-ınnovasııalyq damý basqarmasynyń basshysy Shákárim Buqtyǵutov zań buzýshylyqtyń qaı aýdandarda kóp oryn alǵany jaıly málimetterdi keltirip, óńir basshysynan olarǵa shara qoldanýdy surady. Oblys prokýrory B.Taıymbetov kásipkerlerdiń jumysyn tekserýde óńirde kóp zań buzýshylyqtar oryn alǵan qala, aýdan prokýrorlaryna jumysty shıratyp, zańsyzdyqqa jol bermeýdi eskertti.
Alqaly jıyndy qorytyndylaǵan B.Saparbaev syn-eskertpelerdiń oryndy ekenin, kásipkerlerdiń alańsyz jumys isteýine jaǵdaı jasaý tıisti mekemeler men quqyq qorǵaý salasy qyzmetkerleriniń basty mindeti ekenin atap ótti.
Ońdasyn ELÝBAI,
«Egemen Qazaqstan».
О́SKEMEN.