RG Gold Aqmola oblysyndaǵy ken-metalýrgııa kesheniniń tolyq jobalaýyn bastady. Onyń qurylysyna salynǵan ınvestısııalardyń jıyntyq kólemi 160 mlrd teńgeden asady. «Vernyı Kapıtal» jáne Resource Capital Fund amerıkalyq qory – RG Gold kompanııasynyń aksıonerleri.
RG Gold kompanııasy Aqmola oblysyndaǵy taý-metallýrgııalyq keshenin tolyq jobalaý boıynsha jumystardyń bastalǵany týraly habarlaıdy. Olardy oryndaý úshin ónerkásiptik obektilerdi jobalaý men salýda kóshbasshy bolyp tabylatyn qazaqstandyq AAEngineering kompanııasy tartyldy.
«Jańa fabrıkanyń qýattylyǵy jylyna 5 mln tonna bastapqy ken óndirýge jetedi. Jazda barlyq qajetti daıyndyq jumystary júrgizildi. Investısııalardyń jıyntyq kólemi qazirgi ýaqytta fabrıka men barlyq ınfraqurylymdy qosa alǵanda, 160 mlrd teńgeden astam somany quraıdy. Qurylys 2022 jyldyń tórtinshi toqsanynda aıaqtalady», dedi «Vernyı Kapıtal» kompanııalar tobynyń bas dırektory Erlan Ospanov.
E.Ospanov sondaı-aq 2014 jyldan bastap geologııalyq barlaýǵa shamamen 7 mlrd teńge ınvestısııalaǵanyn habarlady. Geologııalyq barlaý nátıjeleri boıynsha baǵaly metaldyń qory 100 tonnany qurady, al resýrstar JORC halyqaralyq jiktemesi boıynsha 185 tonnaǵa baǵalandy. «Raıgorodok» ken ornynyń áleýeti áli tolyq zerttelgen joq. Geologııalyq barlaý jumystary jáne olardy ınvestısııalaý jalǵasýda.
«Jańa fabrıka 1 100-den astam qazaqstandyqty turaqty jumyspen qamtamasyz etýge múmkindik beredi, al memlekettik bıýdjetke jıyntyq salyq aýdarymdary jylyna 20 mlrd teńgeni quraıdy. Kompanııa jyl saıyn óńirdiń áleýmettik-ekonomıkalyq damýy men ınfraqurylymyn jaqsartýǵa 100 mıllıonnan astam teńge bóledi. Mysaly, jaqyn mańdaǵy aýyldardaǵy mektepter kúrdeli jóndeýden ótkizilip, jańa uńǵyma burǵylandy, Shýchınsk aýdan ortalyǵy men Dmıtrıevka aýyly arasyndaǵy avtojol jóndeldi», dep tolyqtyrdy RG Gold bas dırektory Loýrens Rossoý.
RG Gold kompanııasy mamandarynyń aıtýynsha, kásiporyn óziniń operasııalyq qyzmetinde korporatıvtik basqarýdyń, ekologııalyq jáne áleýmettik jaýapkershiliktiń joǵary standarttaryn ustanady. Ýákiletti memlekettik organdarmen jáne syrtqy aýdıtorlarmen belsendi ózara is-áreket jasaıdy, sondaı-aq toqsan saıynǵy negizde atmosferalyq aýany, sý resýrstaryn, topyraqty jáne radıasııalyq fondy zertteýdi qamtıtyn qorshaǵan ortanyń jaǵdaıyna monıtorıng júrgizedi. Ekologııalyq monıtorıng nátıjeleri kompanııa saıtynda jarııalanady. Barlyq qyzmetkerler trenıngterden ótedi jáne qaýipsizdik tehnıkasy boıynsha tıisti emtıhandar tapsyrýǵa mindetti.
Fabrıkany jobalaý men salýdyń barlyq kezeńinde Aqmola oblysy turǵyndarynyń, jergilikti atqarýshy bılik ókilderiniń jáne ekobelsendilerdiń qatysýymen jeti qoǵamdyq tyńdaý ótkizildi. Jeltoqsan aıynda taǵy bir tyńdaýdy ótkizý josparlanǵan. Qoǵamdyq tyńdaýlardyń barlyq hattamalary Aqmola oblysynyń tabıǵı resýrstar jáne tabıǵatty paıdalanýdy retteý basqarmasynyń saıtynda jarııalanady.