Ǵalymdar jańǵaqtardyń adam ómirin uzartýǵa kómektesetinin alǵa tartady. Bul týraly Segodnya.ua habarlady.
Jańǵaqtardyń quramynda paıdaly zattar kóp. «Ol adam ómirin uzartýǵa oń yqpalyn tıgizedi», – deıdi zertteý avtorlary. Olardyń aıtýynsha, kúnine bir ýys jańǵaq jep turǵannyń ózi de jetkilikti. Sondaı-aq olar jańǵaqtyń barlyq túri de paıdaly ekenin atap ótti.
Zertteý avtorlary jańǵaqtardyń qant dıabeti men júrek-qan tamyrlary aýrýlaryna shaldyǵý qaýipin 20 paıyzǵa tómendetetinin málimdedi. Zertteýge 120 myń adam qatysqan eken. Ǵalymdar uzaq ýaqyt boıy baqylaý júrgizip, mynadaı derekterdi keltirdi: aptasyna eki ret jańǵaq jegen adamnyń qant dıabeti men júrek-qan tamyrlary aýrýlaryna shaldyǵý qaýipi 13 paıyzǵa, al aptasyna jeti retten kóp jegen adamdiki 20 paıyzǵa tómendeıdi. Jalpy jańǵaqty jıi jegen adamdardyń qan quramyndaǵy holesterın mólsheri men qan qysymy tómen bolyp shyqty.
Aıdar О́risbaev.
Derekkóz: Segodnya.ua