Japonııada ataqty jazýshy Harýkı Mýrakamıdiń «Túzsiz Sýkýrý Tadzakı jáne onyń saıahatta ótkizgen jyldary» atty jańa romany bıylǵy jyldyń eń úlken taralymyna ıe boldy. Bul týraly ITAR-TASS habarlady.
Harýkı Mýrakamıdiń jańa romany bıylǵy jyldyń 12 sáýirinde satylymǵa shyǵyp, birden úlken suranysqa ıe boldy. Dúken sórelerinde kitaptar qalmaǵandyqtan, «Býngeı sıýndzıý» baspasyna týyndyny taǵy birneshe ret basyp shyǵarýǵa týra keldi. Qarasha aıynyń sońyna deıin jańa romannyń 985 myń danasy satylypty. Bul derekti sanaq júrgizgen «Orıkon» aqparattyq kompanııasy keltirdi.
Mýrakamı romanynyń basty keıipkeri – Sýkýrý Tadzakı esimdi jalǵyz basty er azamat. Teginde qandaı da bir tústi bildiretin ıeroglıf bolmaǵandyqtan, ony túzsiz dep ataǵan. Al onyń bala kezinen birge ósken dostarynyń teginde qyzyl, kók, aq, qara tústerdi bildiretin ıeroglıfter bolǵan. Roman barysynda basty keıipker nelikten bala kúngi dostarymen qarym-qatynas úzip alǵanyn anyqtap bilýge tyrysady.
64 jasar Harýkı Mýrakamı búgingi tańda álemdegi eń tanymal jazýshylardyń biri. Onyń týyndylary 40-tan asa tilge aýdarylǵan.
Aıdar О́risbaev.
Derekkóz: Itar-tass.com