Qosymsha karantın sharalary naýqas sany kóbeıgen kezde engiziledi. Bul týraly elorda ákimi Altaı Kólginov aıtty, - dep habarlaıdy Egemen.kz
Karantın talaptaryn saqtaý kerek. Qoǵamda saqtalýy kerek talaptarǵa mán bermeıtin adamdar bar. Biraq qazir basym kópshilik talaptardy saqtaýdy úırendi. Biz ári qaraı túsindirý jumystaryn jalǵastyrýymyz kerek. Karantın shekteýleriniń enýi oryndy. Sebebi qazir jabyq ǵımarattarda balalar alańy men kınoteatrlarda, adam kóp jınalatyn jerlerde karantın shekteýleri bar. Olar jalǵasyn tabady. Lokdaýn bolǵanda adamdarǵa qıyn bolǵanyn kórdik. Bizge ol taǵy kerek pe? Menińshe, biz ony boldyrmaýymyz kerek. Ol qoǵamnyń árbir múshesine baılanysty.Sanıtarlyq dárigerler jáne saýda ortalyqtarmen aqyldastyq. Sebebi adamdar jańa jyl qarsańynda dúkenderge kóp barady. Sondyqtan adamdanyń kóp shoǵyrlanýyn bodyrmaý úshin biz gıpermarket pen sýpermarketterdi táýlik boıy jumys isteýge kóshirýdi oılastyryp jatyrmyz. Sol kezde biz dálizdi keńeıtemiz, adamdar sol kezde asyqpaıtyn bolady. Jaqyn arada ol týraly aıtamyz.Taǵy da birqatar shara qabyldaımyz. Sebebi lokdaýn ekonomıkalyq negatıv áserin týdyrady. Adamdar jumysqa bara almaıdy. Ujym kóp jınalatyn kásipkerlikter jumyskerlerin qashyqtan jumys isteýge jiberdi. Qalany jabý josparda joq. Alaıda qosymsha karantın sharalary naýqas sany kóbeıgen kezde engiziledi.