Zerendi aýdanynda mádenı-kópshilik jumystar qanat jaıýda. Hor, vokal, folklor, otbasylyq ansamblder men horeografııalyq úıirmelerdi qosqanda 2 myńǵa jýyq adam jumys isteıdi. Bıyl "Jumyspen qamtýdyń jol kartasy - 2020" baǵdarlamasy aıasynda aýdan ortalyǵyndaǵy mádenıet úıine 40 mln teńgege kúrdeli jóndeý jumysy júrgizildi, dep habarlaıdy Egemen.kz.
Aýdandyq mádenıet úıi ǵımaratynyń negizi 1979 jyly qalanǵan. Sońǵy ret kúrdeli jóndeý jumystary osydan 20 jyl buryn júrgizilipti. Onda 230 orynǵa arnalǵan kórermen zaly, túrli shyǵarmashylyqpen aınalysatyn 16 kabınet jáne sport zaly bar. Sondaı-aq ortalyq kitaphana men tilderdi oqytý ortalyǵy ornalasqan.
"Kórermen zaly boıynsha qabyrǵasy men tóbesi sylanyp, áktelgen bolatyn. Eden aǵashtary aýystyrylyp, oryndyqtary jańartylyp, jabdyqtaldy. Bı zaly boıynsha edenine beton quıylyp, lamınat tóseldi. Bı zaly bıshilerge kásibı daıyndyq ótkizýge qolaıly boldy", – deıdi aýdandyq mádenıet jáne tilderdi damytý bóliminiń bas mamany Qyzyr Qazıuly.
Jalpy, bıyl aýdan boıynsha 4 mádenı nysanǵa kúrdeli jóndeý jumystary júrgizilgen. Atap aıtqanda, О́rken, Qyzyltań jáne Qonysbaı eldimekenderindegi aýyldyq klýbtar da jańartyldy. Bul jumystarǵa 50 mln teńgeden astam qarajat bólingen.