Dúnıe júzi boıynsha shamamen 1,8 mıllıard adam koronavırýs juqtyrýy múmkin. Bul týraly Dúnıejúzilik densaýlyq saqtaý uıymynyń saıtynda aıtylady, dep habarlaıdy Egemen.kz Tengrinews.kz saıtyna silteme jasap.
Derekkóz málimetinshe, álemdegi árbir tórtinshi medısınalyq mekeme sýmen qamtylmaǵan, al árbir úshinshi medısınalyq mekemede qajet qol gıgıenasy saqtalmaǵan.
"Sý, sanıtarııa jáne gıgıena medısına qyzmetkerleri men naýqastardyń qaýipsizdigi úshin óte mańyzdy, biraq bul qyzmetterge basymdyq berile bermeıdi", delingen habarlamada.
DDU bas dırektory Tedros Adanom Gebreısýstyń aıtýynsha, mekemelerde gıgıena saqtalmaýy medısınalyq qyzmetkerlerdiń qorǵanys quraldarynsyz jumys isteýimen teń.