Mańǵystaý oblystyq aýrýhanasynyń birneshe dárigerine qatysty sot otyrysy bastaldy. Bul týraly «Astana» telearnasy habarlady.
2011 jyly Danııar Imashev jol apatyna túsip, jergilikti jerdegi aýrýhanaǵa túsedi. Alǵashynda dárigerler háli aýyr emes ekenin aıtyp, ata-anasyna ota jasalǵan ýaqyttan keıin bir apta ishinde Danııardyń saýyǵyp ketetinine sendirgen edi. Alaıda, Danııar sol mezgilde 7 saǵattan soń kóz jumdy. Qaıǵyly qazany dárigerler júrek toqtaýymen túsindirgen bolatyn. Al sarapshylar jasaǵan qorytyndyda ókpege qan ketkendigi kórsetilgen. Qarama-qaıshylyqtyń aqıqatyna jetý úshin Danııardyń anasy sotqa qaıtadan aryz jazdy. Sonymen, arada 3 jyl ótkende bolǵan isti tııanaqty zerdeleý maqsatymen sotqa anestezıolog, travmatolog jáne hırýrg shaqyrtylyp otyr.
Quqyq qorǵaý qyzmetkerleriniń aıtýynsha, eger osy joly dárigerlerdiń salǵyrttyǵy anyqtalsa, olar 2 jylǵa deıin bas bostandyǵynan aırylýy múmkin. «Balamnyń ólimine qatysty qozǵalǵan qylmystyq is joǵalyp ketti.Medısınalyq karta jáne basqa da qajetti qujattardy taba almadyq. Osy olqylyqty ishki ister departamenti qolǵa alǵannan keıin ǵana qaıtadan is sottta qaralatyn bolyp uıǵaryldy. Endi men ádildik ornaıdy degen senimdemin»,-deıdi marqumnyń anasy Gúlnár Imasheva.
Baqytbek Keneshuly.
Derekkóz: «Astana» telearnasy