Jezqazǵandaǵy tarıhı-arheologııalyq mýzeıdegi qundy jádigerdiń biri –aqyn, segiz qyrly, bir syrly óner ıesi Taıjan Qalmaǵanbetovtiń syrnaıy. Mýzykalyq aspapty murajaıǵa 2017 jyly Taıjan aqynnyń nemeresi Temirhan Qalmaǵanbetov «Tarıhta óz atyńdy qaldyr» aksııasy aıasynda uıymdastyrylǵan is-shara barysynda ótkizipti.
– Syrnaı 1912 jyldyń sáýir aıynda Orynbor gýbernııasyndaǵy Troısk qalasynda turǵan Aleksandr Ivanovıch degen sheberdiń qolynan shyqqan eken. Aspaptyń túsi qońyr. Negizgi súıegi aǵashtan jasalǵan. Gúl beınesindegi órnekpen bezendirilgen, – deıdi mýzeıdiń aǵa ǵylymı qyzmetkeri A.Janbosynova.
Taıjan Qalmaǵanbetovke aqyndyq, sazgerlik ári oryndaýshylyq qasıetter qatar daryǵan: ónerpaz dombyrada sheber oınaǵan, qobyzdy da quıqyljytqan. Al syrnaı tartýdy Kókshedegi naǵashy jurty – Úkili Ybyraıdyń aýylyna baryp júrgeninde úırenipti.
Eske salar bolsaq, Taıjan poezııasyn qazaqtyń kórnekti aqyny Kákimbek Salyqov ǵylymı turǵyda zerttegenderdiń biri boldy. Qaıratker tulǵa 2004 jyly jaryqqa shyqqan «Saq-saq kúlsin syrnaıym» jınaǵynda ónerpaz aqyn týyndylaryn keńinen qamtydy. Sol jyly «Aqyn Taıjan» atty lırıkalyq poemasy engizilgen «Aqyn Taıjan» atty ekinshi jınaǵy jaryq kórdi.
Qaraǵandy oblysy