Aqtóbede 24 jastaǵy qyzdyń sómkesindegi 2,5 mıllıon teńgeni urlap ketken jigit ustalyp, qamaýǵa alyndy, – dep habarlaıdy Polisia.kz.
Aǵymdaǵy jyldyń 15 jeltoqsanynda saǵat 15.55 shamasynda “102” telefon arqyly 101 atqyshtar brıgadasy kóshesindegi kafelerdiń birinde belgisiz bireý 24 jastaǵy qala turǵynynyń ústel ústinde jatqan sómkesindegi aqshasyn ashyq túrde urlap ketkendigi týraly habarlama tústi. Kelgen patrýldik polısııa narıadtaryna jábirlenýshi rıýkzakta 4.100 AQSh dollary, 824 myń teńge somasynda aqsha bolǵandyǵyn habarlady. Jalpy shyǵyn 2,5 mıllıon teńgeni qurady.
Qabyldanǵan jedel-izdestirý is-sharalarynyń nátıjesinde kúdikti anyqtalyp, kúdikti qylmys jasalǵannan keıin BQO, Oral qalasyna ketip qalǵan. Jedel túrde kórshi oblysqa jedel ýákilder shyǵyp, Oral qalasynyń 32 jastaǵy turǵynyn ustap, polısııa bólimine jetkizdi.
Atalǵan fakti QR QK 191-baptyń 3-bóligi (Tonaý) boıynsha sotqa deıingi tergeý amaldary júrgizilýde. Kúdikti QR QIJK-niń 128-babyna sáıkes Aqtóbe qalasynyń ÝUI-ne qamaýǵa alyndy.