«Altyn kórse, perishte joldan taıady» deýshi edi baıaǵynyń qarııalary. Búginde Atyraýda teńge kórse, jemsaýy búlkildep turatyn paraqorlar qatary azaıar emes. Osy aıtqanymyzǵa oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń tómendegi málimetteri aıqyn dálel bolmaq.
«Altyn kórse, perishte joldan taıady» deýshi edi baıaǵynyń qarııalary. Búginde Atyraýda teńge kórse, jemsaýy búlkildep turatyn paraqorlar qatary azaıar emes. Osy aıtqanymyzǵa oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń tómendegi málimetteri aıqyn dálel bolmaq. Qarjy polıseıleri tarapynan Atyraý oblystyq tótenshe jaǵdaılar departamenti memlekettik órt baqylaý basqarmasynyń bastyǵy N.ǵa jáne osy departamenttiń tehnıgi A.ǵa qatysty QR QK-niń para alý jáne para alýǵa járdemdesý deregi boıynsha 2 qylmystyq is qozǵalǵan. О́ıtkeni, tótenshe jaǵdaılar departamentiniń atyna kir keltirgen qos qyzmetker memlekettik qyzmetti atqarýǵa ýákiletti jáne teńestirilgen laýazymdy tulǵa bola tura, bir seriktestiktiń avtomattandyrylǵan órt dabyldamasyn paıdalanýǵa qabyldaý aktisine jyldamdatyp jáne kedergisiz kelisim berý úshin 30 000 teńge para alǵan.
Para alý faktisine baılanysty taǵy bir derekke toqtalar bolsaq, Atyraý qalalyq salyq basqarmasynyń jeńildetilgen taratýdy júrgizý bóliminiń jetekshi mamany jeńil tabys tabýdyń jańa bir túrin oılap taýypty. Sirá, jetekshi maman «Adamnan qýlyq artylǵan ba» degendi jadyna myqtap túıgen sekildi. Naqtylaı aıtqanda, ol qyzmettik ókilettigine kiretin para berýshiniń paıdasyna jasaǵan is-áreketine, ıaǵnı, jeke kásipkerlikti taratý kezinde aıyppul men ósimaqyny eseptemeý úshin 80 800 teńge parany óziniń «Qazaqstan Halyq Banki» AQ-taǵy kartalyq shotyna aýdartý arqyly alǵan.
Qazir para alýshylarǵa qatysty qozǵalǵan qylmystyq ister sotqa joldandy.
Joldasbek ShО́PEǴUL,
«Egemen Qazaqstan».
Atyraý oblysy.