Árıne, bul aýyl oblys ortalyǵynan shalǵaıda jatyr. Oǵan barý úshin Jaıyqtan parommen ótedi, keıde sý tasyp jatqanda, amal joq, sonaý Oral aınalyp barýǵa týra keledi. Bul aýylǵa gaz tartylmaǵan, al qasyndaǵy qol sozym jerdegi Syrym aýdanynyń halqy gazdyń qyzyǵyn kórip otyr. Qandaı dáýir ótse de, qandaı zaman kelse de jańylmaıtyn tirshilik daǵdysy – maldyń qıyn keptirip qoraǵa jınaıdy, odan úıge tasıdy, otqa janyp kúl bolǵan soń ony syrtqa tasıdy, qysqasy, ómir boıy óstip keledi. Sóıtip júrip toı jasaıdy, qonaq shaqyrady.
Árıne, bul aýyl oblys ortalyǵynan shalǵaıda jatyr. Oǵan barý úshin Jaıyqtan parommen ótedi, keıde sý tasyp jatqanda, amal joq, sonaý Oral aınalyp barýǵa týra keledi. Bul aýylǵa gaz tartylmaǵan, al qasyndaǵy qol sozym jerdegi Syrym aýdanynyń halqy gazdyń qyzyǵyn kórip otyr. Qandaı dáýir ótse de, qandaı zaman kelse de jańylmaıtyn tirshilik daǵdysy – maldyń qıyn keptirip qoraǵa jınaıdy, odan úıge tasıdy, otqa janyp kúl bolǵan soń ony syrtqa tasıdy, qysqasy, ómir boıy óstip keledi. Sóıtip júrip toı jasaıdy, qonaq shaqyrady.
Bul aýyldyń áıelderi balany jýyndyrǵan sýǵa kir shaıqap alady, ol sýdy da qur bosqa aqtaryp tóge salmaı, aýlaǵa shashady. Aýlaǵa sebelep shashylǵan sý shań kótermeýge jaqsy. О́ıtetin sebebi – bul aýylǵa tushy sýdyń zary ábden ótken. Jerin qazsań sý shyǵady, biraq ashy sý, basyńdy jýsań kıiz sekildi tutasyp qalady, kir jýsań ashpaıdy, shaıǵa paıdalanasań, shaıdy qaǵady. Qazir burynǵydaı emes, sý máselesi eptep bolsa da sheshilgen, endi kórshi aýyldan kúnine eki mezgil sý tasıtyn kólikpen sý ákelinedi. Halyq ony bir úıdiń balasyndaı bolyp bólip ishedi, ıaǵnı satyp alady, ras, arasynda «sen kóp aldyń, men az aldym» degen áńgimeler de bolyp qalady, el ishi bolǵan soń, degenmen, soǵan da rıza. Áıteýir taza sý iship otyr ǵoı.
Bul aýyl dep otyrǵanymyz, Batys Qazaqstan oblysynyń Aqjaıyq aýdanyna qarasty Saıqudyq aýyly. Jalpy, respýblıkanyń jer-jerinde Saıqudyq degen ataýmen kezdesetin aýyldar barshylyq, biraq, bul aýyldyń ereksheligi – azamat aqyn Juban Moldaǵalıevtiń týǵan jeri. Aýylda aqynnyń nemere aǵaıyndary áli kúnge turady. Kezinde aýyl kitaphanasynda aqynǵa arnaıy bólingen jeke bólmesi de bolǵan, shyǵarmashylyq adamy osy jerde otyryp ýaqytyn ótkizip, jazýmen aınalysqan eken. Juban Moldaǵalıevtiń qolymen: «Saıqudyq aýylynyń kitaphanasyna syıǵa tartamyn», dep avtograf qoıylǵan 300-den astam kitap osy kitaphananyń baǵa jetpes baılyǵyna aınalǵan. Mektep te Juban Moldaǵalıev esimimen atalady. Aýyldyń kez kelgen qara domalaǵy Juban atalarynyń óleńin jatqa aıtady. Qarap turyp rıza bolasyń.
Ásirese, osydan 3 jyl buryn uıymdastyrylyp-ótkizilgen Juban Moldaǵalıevtiń 90 jyldyǵy ózimen-ózi buıyǵylanyp, tomaǵa-tuıyq jatqan shaǵyn aýyldyń ómirine úlken serpilis ákelgendeı edi. Kúzde ótkizilgen aqynnyń mereıtoıyna deıingi aralyqta aýylda jańadan Mádenıet úıi men kitaphana paıda boldy. Bala-shaǵa máz. Týra shaǵyn aýyldan ekinshi Astana salynyp jatqandaı kóńil-kúıde kóringen. Jaqynda eki qabatty mektep úıi paıdalanýǵa berilmek. Búginde shaǵyn aýyldy kólikpen betke alǵan mezette sán-saltanaty kelisken aqshańqan Mádenıet úıi aldyńnan qarsy alady. Bul Mádenıet úıi aýyldy biraz kóterip tastady. Eń aldymen qurylysty salýdy óz moıyndaryna alǵan «Nurǵasyr» JShS jigitteri aýyl jigitteriniń eńbegin berip, qulap jatqan eski klýbty buzdyryp, onyń ornyna jańa qurylys saldy. Jigitterge rahmet. Búkil aýyldyń kári-jasynyń rızashylyǵyn aldy. Buryn jumys tappaı sendelip, araq iship, ne isterin bilmeı erigip júretin keı jigitterdiń eńbekaqy tabýǵa yntasy oıanyp, jalpy eńbekke degen qulshynysy artty.
Mine, shaǵyn aýyldyń ómirine erekshe jańalyq bolǵan jaǵdaılar osyndaı. Aıtyp-aıtpaı ne kerek, qazaqtyń mańdaıyna bitken nebir asyl azamattardyń qaı-qaısysy da aýyldan shyqqan. Aýyl kitaphanasynan kitap alyp oqyp, qııalyna qanat bitirgen. Shaǵyn aýyldyń sahnasynan shyǵyp respýblıkaǵa, kúlli álemge áıgili bolǵan. Endeshe, aýyldaǵy mádenıetke erekshe kóńil aýdarǵan durys. Bul – talanttarǵa jol ashatyn shańyraq.
Nursáýle ǴAZIZQYZY.
Batys Qazaqstan oblysy,
Aqjaıyq aýdany.