Aqtaýda dzıýdodan erler men áıelder arasynda ótken Qazaqstan chempıonaty óz máresine jetti. Eń sońǵy júldeler jıyntyǵyn asa aýyr salmaqtaǵy balýandar sarapqa saldy, dep habarlaıdy Egemen.kz.
Alyptardyń aıqasy kil myqtylardyń basyn qosty. Solardyń arasynda túrli halyqaralyq dodalarda ysylǵandar jáne ár jyldary «Qazaqstan barysy» týrnırinde óner kórsetken túıe balýandar da boldy.
Bul tartysta Shyǵystyń shymyr jigitter ózderiniń myqtylyǵyn moıyndatty. Fınaldyq saıysta qos komandalyq áriptes kúsh synasty. О́zinen áldeqaıda eńseli ári tájirbeli Erasyl Qajybaevty qapy qaldyrǵan Ádil Orazbaev bas júldeni qanjyǵasyna baılady. Al jambyldyq Ǵalymjan Qyryqbaı men qyzylordalyq Elaman Erǵalıev qola medaldi enshiledi.