Májilis depýtattary pedofılderdiń jazasyn qatańdatýǵa baǵyttalǵan zań jobasyna senat engizgen tolyqtyrýlardy qabyldady, dep habarlaıdy Egemen.kz.
Májilis "keıbir zańnamalyq aktilerge prezıdenttiń 2020 jyldyń 1 qyrkúıegindegi joldaýynyń jekelegen erejelerin iske asyrý máselesi boıynsha ózgerister men tolyqtyrýlar engizý týraly" zań jobasyna senat engizgen tolyqtyrýlardy qarady.
Bul zań jobasynda pedofılderdiń jazasyn qatańdatýǵa baǵyttalǵan normalar qarastyrylǵan. Onyń ishinde balalarǵa qatysty jynystyq sıpattaǵy qylmys jasaǵandarǵa raqymshylyq jasalmaıdy jáne túrmeden merziminen buryn bosatylmaıdy. Sonymen qatar olar jazasyn qatań rejımdegi mekemede ǵana óteıtin bolady.
Buǵan deıin Senat depýtattary oǵan birqatar tolyqtyrý engizip, Májiliske jibergen bolatyn. Májilis Parlamenttiń joǵarǵy palatasynyń tolyqtyrýlarymen kelisti.
Senat tóraǵasy Máýlen Áshimbaev zań jobasyn parlamenttiń joǵarǵy palatasynda qaraý kezinde elimizde balalardy qorǵaý salasynda naqty aldyn alý saıasaty júrgizilip jatqanyn habarlady. Osy baǵyt aıasynda pedofılderdi qylmystyq jazalaý sharalary edáýir kúsheıtilip otyr.
Májilis senattyń tolyqtyrýlarymen biraýyzdan kelisip, zań memleket basshysyna jiberildi.