Oblys ortalyǵynda halqymyzdyń birtýar uly, dana Abaıǵa eskertkish qoıylǵan qýanyshty kún boldy. Oblys ákimdiginiń aldynan oryn alǵan eskertkishti ashý rásimine oblys ákimi Ábilqaıyr Sqaqov, abaıtanýshy, akademık, fılosof Ǵarıfolla Esim, opera ánshisi Shahımardan Ábilev jáne oblystyq ardagerler keńesiniń tóraǵasy Rymtaı Shókeev qatysty.
– Bul – kóp eskertkishtiń biri emes. Ulttyq qundylyqtarymyz ben baı rýhanı muramyzdy eske salyp turatyn qasıetti músin. Jannyń azyǵyn izdep, adam bolmysyn túsinýge tyrysqan hakim Abaıdyń týyndylary óz mańyzyn joǵaltpaq emes. Onyń ár sózi áli kúnge deıin rýhymyzǵa qýat, sanamyzǵa aqyl bolyp quıylýda, – dedi oblys ákimi Á.Sqaqov.
Abaı eskertkishiniń avtory – Sýretshiler odaǵynyń múshesi, músinshi Asqar Nartov. Eskertkish qoladan quıylyp, tuǵyr tasy granıtten jasalǵan. Eskertkishtiń jalpy bıiktigi 10 metr. Onyń ishinde Abaı músininiń bıiktigi – 5,25 metr. Tuǵyrynyń bıiktigi – 5 metr. Tuǵyrynda «Adamzattyń bárin súı, baýyrym dep...» degen jazba bar.
Sondaı-aq oblys ortalyǵyndaǵy kóshelerdiń birine Abaı esimi berilgen.