Halyqty jumyspen qamtý ortalyǵy azamattardy jumyspen qamtý boıynsha júıeli túrde jumys isteıdi. Mekemege jumyssyzdar ǵana emes, probasııa qyzmetinde esepte turǵandar, múmkindigi shekteýli jandar da júginedi. Joǵary bilimi joq turǵyndar talap etiletin mamandyqtar boıynsha kýrstan ótedi, dep habarlaıdy Egemen.kz.
Jumyspen qamtý ortalyǵyna jumyssyz retinde tirkelip, jańa mamandyq ıgergenderdiń biri - Aıgúl Qasenova. Osy jyly ol «Eńbek» memlekettik baǵdarlamasy boıynsha «naýbaıhana» kásiptik oqytý kýrstaryn bitirdi. Qazir ol oqý kezinde óndiristik tájirıbeden ótken «Ýasheva Dana» JK naýbaıhanasynda jumys isteıdi.
- Shyn jumys izdegen adam tabady. Onyń ústine qazir suranysqa ıe mamandyqty alýǵa da, birden jumys tabýǵa da múmkindikter kóp, - deıdi Aıgúl Qasenova.
Aıta keteıik, Nur-Sultan qalasynyń jumyspen qamtý ortalyǵy ótinish berýshilerdi jumyspen qamtý aıasyn keńeıtý maqsatynda jumys berýshilermen únemi baılanysta. Bos oryndar kún saıyn jańartylyp otyrady. Endi pandemııaǵa baılanysty ortalyqtyń qyzmetterin qashyqtan paıdalanýǵa bolady. Osy maqsatta elektrondy eńbek bırjasy memlekettik aqparattyq portaly jumys isteıdi (www.enbek.kz).
Nur-Sultan qalasynyń turǵyndary portalǵa tirkelip, bos jumys oryndaryn tańdaıdy nemese jumysynan aırylǵan jaǵdaıda áleýmettik tólemder taǵaıyndaý qyzmetterin paıdalana alady.
Tolyq aqparat pen mamandar keńesin alý úshin ortalyqtyń jumyspen qamtý bólimine 8 777 116 82 76; 8 777 116 82 73 telefondary arqyly habarlasýǵa bolady.