Osy jyldyń 12 aıynyń qorytyndysy boıynsha «Taý-Ken Altyn» affınaj zaýyty 30 tonna altyn óndirdi, dep habarlaıdy Egemen.kz.
Zaýyt jumys isteı bastaǵannan beri 128 tonnadan astam altyn óndirildi. Zaýyt óniminiń negizgi kólemi elimizdiń altyn-valıýta rezervin tolyqtyrýǵa baǵyttalǵan.
«Zaýytty odan ári damytý óndiriletin altyn shyǵarý kólemin ulǵaıtýdy, baǵaly metaldar qozǵalysyn esepke alý maqsatynda prosesterdi avtomattandyrýdy, sondaı - aq qatty ónerkásiptik qaldyqtardy qaıta óńdeýdi jáne aıaqtalmaǵan óndiristi azaıtýdy kózdeıdi», dedi «Taý-Ken Samuryq» UTK» AQ Basqarma tóraǵasy Qanat Qudaıbergen.
Esterińizge sala keteıik, jeke affınaj óndirisiniń strategııalyq mańyzdylyǵyn Tuńǵysh Prezıdent-Elbasy Nursultan Nazarbaev atap ótti. 2011 jyly ındýstrııalyq-ınnovasııalyq forým barysynda Nursultan Nazarbaev elordada altyn óndiretin zaýyt salý týraly tapsyrma berdi. «Taý-Ken Altyn» affınaj zaýytynyń qurylysy 2012 jyldyń 3 shildesinde bastaldy, 2013 jyldyń jeltoqsanyna qaraı kásiporyn óz ónimin shyǵara bastady.