Soltústik Qazaqstan oblysynda polısııa qoǵamdyq oryndarda úsh kúndik reıd ótkizdi. Osy ýaqyt ishinde qoǵamdyq oryndarda mas bolyp júrgen 222 adamdy ustaldy, dep habarlaıdy Egemen.kz.
Jańa jyl aldyndaǵy qaýipsizdikti saqtaýdy kózdegen bul reıdke polısııa men Ulttyq ulannyń qatarynan 600 adam qatysty. Reıd barysynda 25 qylmys tirkeldi, onyń 17-si izin sýytpaı ashyldy. Ákimshilik buzýshylyqtyń 1 265 faktisi tirkeldi, sonyń ishinde 222 buzýshylyq – qoǵamdyq oryndarǵa mas bolyp kelý.
Jol-kólik salasy boıynsha 17 adamnyń rólge ishimdik iship otyrǵany anyqtaldy. Sondaı-aq tórt júrgizýshi buryn júrgizýshilik quqyǵynan aıyrylǵanyna qaramastan rólge otyrǵan. Al otbasylyq-turmystyq buzýshylyqtar boıynsha 60 fakti tirkeldi.
Aıta keteıik, jańa jyl aldynda da polıseıler kúsheıtilgen rejimde jumys isteıtin bolady.