Tarazdaǵy "Taraz Arena" sport saraıynda «Eýrazııa barysy» bastaldy. Bul týraly www.egemen.kz tilshisi habarlady.
Týrnırge Qazaqstan, Mońǵolııa, Túrkııa, Iran, Tájikstan, Polsha, Reseı men Qytaı eliniń qurmalary qatysady. Jańa ǵana jarystyń ashylý saltanatynda jerebe tastaý rásimi ótti. Týrnırdi Jambyl oblysynyń ákimi Qanat Bozymbaev ashty. Endi beldesýler shamaly ýaqyttan keıin bastalady. Qazaqstan quramasyn Beıbit Ystybaev bastap shyǵady. Odan basqa bizdiń komandada Abzal Arystanbekov, Erlan Estek, Ersin Muhamedjanov pen Muhıt Túrsynov kúsh synasady. Mońǵolııa komandasynda boıy 194 sm, salmaǵy 160 kılo Suǵarjalǵal Boldprýev degen balýan kúresedi. Fınalda eki eldiń quramasy kezdesse, Beıbitke osy balýan qarsylas bolady. Reseı komandasynda aǵaıyndy Artem men Dmıtrıı Kovalevskııler bolsa, Túrkııanyń týyn aǵaıyndy Erdal men Bıýlent Doǵandar alyp shyǵady. Qytaı quramasynyń balýandarynyń bári mońǵol.
Birinshi bolyp Qazaqstan men Iran balýandary beldesti. Bul kezdesýde qazaq balýandary 5:0 esebimen jeńiske jetti. Qazir Tájikstan men Polsha balýandary kilemge shyqty.
Dastan Kenjalın.
Derekkóz: Egemen.kz.