Eńbek jáne halyqty áleýmettik qorǵaý mınıstrligi «Eńbek resýrstaryn damytý ortalyǵy» AQ jáne QR Sıfrlyq damý, ınnovasııalar jáne aeroǵarysh ónerkásibi mınıstrliginiń «Ulttyq aqparattyq tehnologııalar» AQ-men birlesip, «Sıfrlyq Qazaqstan» memlekettik baǵdarlamasy sheńberinde sıfrlyq qujattar jıyntyǵyn keńeıtý boıynsha jumys júrgizdi. Endi eGovMobile qosymshasynda zeınetker kýáligi men qandas kýáligi qoljetimdi.
Servıs ózimen birge qujattyń túpnusqasy joq adamdarǵa paıdaly bolady. Kýálik ıesi (zeınetker nemese qandas) ony talap etken jeri boıynsha usyna nemese telefondaǵy messendjerler arqyly óziniń elektrondyq qujatyn kórsete alady. Sonymen qatar, sıfrlyq qujattarda QR-kod arqyly ashý múmkindigi bar, bul qujatty suraǵan tarapqa onyń túpnusqalyǵyn tekserýge kómektesedi.
«Qazir Qazaqstan turǵyndarynyń kópshiligi qaltadaǵy smartfonsyz ómirdi elestete almaıdy, sondyqtan sıfrlyq qujattardy paıdalaný yńǵaıly, óıtkeni smartfondy árdaıym derlik ózimizben birge alyp júremiz. О́zińizben birge qaǵaz qujattardy alyp júrýdiń qajeti joq. Bul servıs elektrondyq úkimet arqyly tekserilgen», – dep atap ótti QR Eńbek jáne halyqty áleýmettik qorǵaý vıse-mınıstri Erbol Ospanov.
Búgingi kúni servıste kelesi qujattar da bar: jeke kýálik, nekeni tirkeý týraly kýálik, bilimi týraly dıplom, balanyń týý týraly kýáligi, stýdenttik bılet jáne t. b.
«Sondaı-aq, jyl sońyna deıin azamattyń áleýmettik mártebesin kórsetetin áleýmettik ID biryńǵaı sıfrlyq qujatyn iske asyrý josparlanýda. Jaqyn arada kópbalaly otbasylarǵa beriletin járdemaqy jáne ataýly áleýmettik kómek alýshylardyń qujattary jáne basqalary sıfrlyq formatqa kóshiriledi. Ýaqyt óte kele biz qujattardyń qaǵaz nusqalarynan múldem qajet bolmaıdy», – dep tolyqtyrdy Erbol Ospanov.