Almaty oblysy Eńbekshiqazaq aýdanynyń polısııa qyzmetkerleri urlyqpen aınalysqan 33 pen 44 jas aralyǵyndaǵy úsh adamnan quralǵan qylmystyq topty quryqtady, – dep habarlaıdy Polisia.kz.
– Júrgizilgen jedel-izdestirý is-sharalarynyń nátıjesinde Eńbekshiqazaq aýdanynyń PB krımınaldyq polısııa qyzmetkerleri aýdan aýmaǵynda birqatar urlyqtar jasady degen kúdikpen úsh adamdy ustady. Búginde olardyń bótenniń múlkin urlaýdyń bes deregine qatysy dáleldendi. Mysaly, kúdiktiler erkin qol jetkizý arqyly quny 900 myń teńge bolatyn 40 tonnalyq konteınerdi urlap ketken. Sondaı-aq plastıkalyq terezeler arqyly páterlerge kirip urlyq jasaǵan, onda bir jábirlenýshige 1 mln 235 myń teńge kóleminde zalal keltirilgen, – deıdi Eńbekshiqazaq aýdandyq PB bastyǵy Talǵat Seıilhanov.
Tergeý barysynda kúdiktilerdiń biriniń buryn tonaý men urlyq derekteri úshin qylmystyq jaýapkershilikke tartylǵany anyqtaldy.
– Barlyq kúdiktiler óz is-áreketterin moıyndady. Ustalǵan kúdiktiler biriniń buǵan deıin de osyndaı qylmys túrlerin jasaǵany belgili boldy. Sonymen qatar, ol qylmystyń neǵurlym aýyr túri – tonaý deregin jasaǵany úshin de jaýapkershilikke tartylǵan. Qazirgi tańda kúdiktiler QR QIJK 128-babynyń tártibimen Eńbekshiqazaq aýdandyq PB ýaqytsha ustaý ızolıatoryna qamaýǵa alyndy. Olarǵa qatysty QR QK-niń 188-baby (Urlyq) boıynsha sotqa deıingi tergeý amaldary júrgizilýde, – dep tolyqtyrdy Talǵat Seıilhanov.
О́zge aqparat QR QIJK-niń 201-babynyń tártibimen tergeý múddesine sáıkes jarııa etilmeıdi.