Jańa jyl qarsańynda qalalyq polıseıler qoǵamdyq tártipti saqtaýmen qatar, dástúrge aınaldyrǵan qaıyrymdylyq jasaýdy da umytqan emes. Tártip saqshylary qoldaýdy qajet etetin otbasylarǵa baryp, balalardyń júrekterine jylylyq pen qýanysh syılaıdy.
Jeltoqsan aıynda Petropavl qalasy Polısııa basqarmasynyń qyzmetkerleri sanıtarlyq normalardy qatań saqtaı otyra, Basqarmaǵa bekitilgen bes Uly Otan soǵysynyń ardageri men tyl eńbekkerlerine, 24 az qamtylǵan otbasyna bardy. Jańa jyl qarsańynda pogon taqqan Aıaz ata men Aqshaqar syılyqtaryn alyp, múmkindigi shekteýli bala tárbıelep otyrǵan 16 otbasynda boldy. Qalalyq bólinistiń qyzmetkerleri balalardy kele jatqan Jańa jyl merekesimen quttyqtap, árqaısyna dástúrli tátti syılyqtar tartý etti.
Petropavl qalasy Polısııa basqarmasynyń bastyǵy polısııa polkovnıgi Jandos Muqatovtyń aıtýynsha, osyndaı otbasylarǵa jaqsylyq jasaǵanda kóńiliniń toq bolady. Balalardyń qýanysh uıalaǵan kózderin kórgeniń, olardy ósirý úshin tynym tappaı eńbek etip júrgen ata-anasynyń aýzynan estigen «rahmeti» – eń úlken syı. Qalamyzda baqytty otbasylar men deni saý balalardyń kóp bolǵanyn qalaımyz deıdi.
PETROPAVL