Qurlyqtyq hokkeı lıgasynyń (QHL) resmı saıty 2020 jyldy qorytyndylap, jyldyń úzdik oıynshylary men jattyqtyrýshylarynyń esimin atady.
Máselen, «Barys» klýbynyń kapıtany Darren Dıs qorǵaýshylar arasynda eń úzdik surmergen atandy. Ol ótken jyly QHL-da jalpy sany 52 oıyn ótkizip, 31 upaı jınaǵan. Iаǵnı maýsym boıy qarsylas qaqpasyn 19 márte dál kózdep, 12 ret áriptesterine nátıjeli pas asyrǵan. Sonymen qatar qazaqstandyq komandanyń hokkeıshisi jyldyń eń nátıjeli 5 oıynshysynyń qatarynan kórindi. Al «Barys» qaqpashysy Ionı Ortıo jeltoqsan aıynyń úzdik qaqpashysy atandy.
Aıta keteıik, elordalyq komanda QHL-diń eń keıingi oıynyn «Barys Arenada» Magnıtogorskiniń «Metallýrg» klýbymen ótkizip, tartysty ótken matchtyń qosymsha mınýtynda 3:2 esebimen basym tústi. «Barystyń» overtaımdaǵy jeńisti golyn Mettıý Frettın soqty. 38 oıynda 45 upaı jınaǵan jerlesterimiz búginde turaqty birinshiliktiń «Shyǵys» konferensııasynda 8-orynda keledi.