Bıylǵy qysqy maýsymda «Astana Tazalyq» jáne «Astana Zelenstroı» saıabaqtary 125 birlik arnaıy tehnıkamen jáne 100-den astam qosymsha jabdyqtarmen tolyǵady. Bul týraly elorda ákimi Altaı Kólginov Instagram paraqshasynda jazdy, dep habarlaıdy Egemen.kz.
«2019 jyly kommýnaldyq qyzmetterdiń jabdyqtaryn saralaǵanda, olardyń 30% tozǵanyn kórdik. Arnaıy tehnıkalardy júıeli túrde jańartyp kelemiz. Bul — jumystyń qarqynyn arttyrýmen qatar, aýa raıyna qaramastan kúndiz-túni jumys isteýge májbúr kommýnaldyq qyzmetkerlerdiń jumysyna qolaıly.
«Astana Tazalyqqa» birinshi kezeńde 60 arnaıy tehnıka men qosymsha jabdyqtar berilip otyr. Olar — qalaqty tıegishter, traktorlar, mınıtıegishter, sypyrǵysh mashınalar, biregeı jol mashınalary jáne t.s.s. Bıyl «Astana Tazalyq» pen «Astana Zelenstroıdyń» parki 125 arnaıy tehnıkamen jáne 100 qosymsha jabdyqpen tolyǵady. Olardyń birazyn kóktemgi-jazǵy maýsymda qoldanýǵa bolady.
Byltyr kommýnaldyq sharýashylyqtardyń avtoparki 165 arnaıy tehnıka jáne jabdyqpen tolyqqan bolatyn. Sonymen birge, qyzmetkerlerdi yntalandyrý da kóleńkede qalmaýy kerek: 2019 jyly olardyń jalaqysy ósirilip, syıaqy da engizildi. Bulaısha jaǵdaı jasaý bıyl da jalǵasatyn bolady», — dep jazdy Altaı Kólginov.