Túrkııa Uly Ulttyq Májilisiniń depýtaty, Parlamenttegi "Iyi" partııasynyń ókili, Eýropa Keńesi Parlamenttik Assambleıasynyń múshesi, Qazaqstandaǵy Parlament Májilisi depýtattarynyń saılaýyna táýelsiz baıqaýshy retinde qatysyp otyrǵan Sydaly Zekı Hakan saıası dodaǵa qatysty pikirin bildirdi, dep habarlaıdy Egemen.kz
Sydaly Zekı Hakan Eýropa Keńesi Parlamenttik Assambleıasynyń múshesi retinde kóptegen elderdegi saılaýlardyń barysyn baqylaǵanyn atap ótti. Bul onyń Qazaqstanǵa baıqaýshy retinde ekinshi márte kelýi. Ol buǵan deıin Qazaqstandaǵy sońǵy Prezıdent saılaýyna baıqaýshy retinde qatysqan eken.
– Qazaqstan demokratııaǵa degen umtylysyn kúsheıtip keledi. Saılaý – demokratııanyń kórsetkishi. Saılaý – adamdarǵa berilgen múmkindik. Ony tıimdi paıdalaný kerek. Saılaýdan keıin Parlamentte oppozısııa ókilderine kóp oryn buıyrady degen oıdamyn. Iаǵnı, oppozısııa halyqtyń oıyn bildire alatyndaı múmkindikke ıe bolady degen senimdemin, – dedi Sydaly Zekı Hakan.
Táýelsiz baıqaýshy tańerteńnen beri birneshe saılaý ýchaskesine barǵanyn aıtty. Saılaý ashyq, transporentti túrde ótip jatqanyn jetkizdi.
– Bul saılaý qıyn kezeńde ótip jatyr. Iаǵnı, koronavırýs pandemııasy jaǵdaıynda ótýde. Mundaı jaǵdaıda saılaý sekildi aýqymdy saıası sharany uıymdastyrý ońaı emes. Biraq Qazaqstan bul mindetti oıdaǵydaı oryndaýda. Saılaýdyń joǵary deńgeıde uıymdastyrylyp jatqanyna kóz jetkizdik. Sanıtarlyq talaptar qatań saqtalǵan. Halyqtyń da jaýapkershiligi joǵary ekenin baıqadyq. Múmkindigi shekteýli adamdar úshin de arnaıy daýys berý oryndary jasalǵan. Qysqasy, barlyǵy eskerilgen. Tyńǵylyqty daıyndyq júrgizilgen. Jergilikti, sheteldik baıqaýshylarmen de tildestik. Olar da saılaýdyń barysyna oń baǵa berdi. Sondyqtan saılaý demokratııalyq jaǵdaıda ótip jatyr dep aıtýǵa tolyq negiz bar, – dedi Sydaly Zekı Hakan.
Túrkııa Uly Ulttyq Májilisiniń depýtaty jergilikti halyqtyń da belsendi ekenin atap ótti.
– Saılaý barysyn tústen keıin de baqylaımyz. Eger bári oıdaǵydaı ótse, Qazaqstan demokratııaǵa qaraı úlken qadam jasaǵan bolyp esepteledi. Sondaı-aq bul jaǵdaı demokratııa jolyna endi túsken ózge memleketterge úlgi bolady degen oıdamyn, – dedi Sydaly Zekı Hakan.