Ortalyq sport klýbynyń sportshylary Almaty qalasynda shańǵy jarysynan ótken chempıonatta tórt altyn, kúmis jáne úsh qola júldeni enshiledi, dep habarlaıdy Egemen.kz.
Jarys «Almaty-Arena» muz aıdyny kesheniniń aýmaǵynda ornalasqan «Almaty Snow Park» jańa shańǵy tas jolynyń boıynda ótti.
Atalǵan jarysqa barlyǵy 100-den astam sportshy qatysty.
Erler arasyndaǵy jeke jarystyń júgirý qorytyndysy boıynsha halyqaralyq dárejedegi sport sheberi Áset Dúısenov jeńimpaz atandy, áıelder arasynda kúmis júlde serjant Marııa Vlasovaǵa, al qola júlde leıtenant Elmıra Moldashevaǵa buıyrdy.
Erler arasyndaǵy komandalyq estafetada (1+1) chempıon atanǵandar – sportshy-nusqaýshy Áset Dúısenov pen merzimdi áskerı qyzmetshi Temirlan Tólegenov. Al áıelder arasynda qola júldelerge leıtenant Elmıra Moldasheva men serjant Marııa Vlasova ıe boldy.