Kórnekti memleket qaıratkeri Dinmuhamed Qonaev pen Shákárim qajynyń uly Ahat túsken kóne sýret Semeıdegi Abaı mýzeıiniń qorynda saqtalǵan.
Mýzeı qyzmetkerleriniń aıtýynsha, qundy sýret Abaıdyń 125 jyldyq mereıtoıy qarsańynda hakimniń eskertkishi aldynda túsirilgen eken. Qordaǵy sýretti mýzeı ujymy 12 qańtar, Dinmuhamed Qonaevtyń týǵan kúnine oraı qoǵam nazaryna áleýmettik jeli arqyly usynǵan.
Alaıda sýrettiń avtory kórsetilmegen edi. Dáý de bolsa, fotony túsirgen Marqakól óńiriniń týmasy, ardager fototilshi Qalıǵumar Qabdeshuly ma dep, aqsaqalǵa habarlasqanbyz. О́ıtkeni ol D.Qonaevty qyzmettik issaparlarynda, jıyndarda san ret sýretke túsirgen.
– Máskeýge, partııanyń XXVI sezine bardyq. Atshaptyrym zalda foto túsirýge yńǵaıly oryn qarastyryp turǵan edim. Dinmuhamed Ahmetuly kele jatyr. Taıap kelip amandyq-saýlyǵymdy surasty da «qazirgi túsirgen sýretiń búgin – sýret, erteń – tarıh» dep arqamnan qaqty. Taǵy birde Almatyǵa ár eldiń I hatshylary jınaldy. Brejnev pen Qonaev 28-panfılovshylar saıabaǵyna gúl shoqtaryn qoıatyn boldy. Apparattarymyzdy saılap, kútip turmyz. Kóp uzamaı keldi. Dinmuhamed Ahmetuly qarapaıym ǵoı. Birazymen áńgimelesip úlgerdi. Aldyńǵy qatarda obkomnyń hatshylary, keıingi qatarda Boshaı Kitapbaev turǵan. Sonda Dımekeń Kitapbaevpen arnaıy amandasyp, sóılesti. Al Qonaevty túsirgen sýretterimniń kóbi memlekettik muraǵatta jatyr. Bul kórsetip otyrǵan foto Abaıda túsirilgen eken. Meniki emes, – dep aǵynan aqtaryldy aqsaqal.
Shyǵys Qazaqstan oblysy