9 qańtarda apatqa ushyraǵan Sriwijaya Air kompanııasyna tıesili Boeing 737-524 ushaǵynyń qara jáshigi tabyldy.
Indonezııa áskerı teńiz flotynyń súńgýirleri Iаva teńizi túbinen ushaqtyń «qara jáshigin» tapty. Izdeý otrıadynyń basshysy Hadı Tıadjanto ony radıosıgnaldar arqyly tapqanyn málimdedi. Endi jáshik Kólik qaýipsizdigi ulttyq komıssııasyna tapsyrylady. Olar áýe apatynyń sebebin anyqtaýǵa birneshe kún qajet ekenin habarlady.
Oǵan deıin Kólik qaýipsizdigi ulttyq komıssııasynyń Avıasııa qaýipsizdigi komıteti oqıǵa ornynda zertteý júrgizgen jumystar nátıjesin jarııalady. Olardyń aqparaty ushaq sýǵa qulaǵanda jaryldy degen tujyrym aıtady. «О́ıtkeni áýede jarylsa ushaq bólshekteri alys aımaqtarǵa qular edi, al izdeý toby ushaq bólshekterin teńiz jaǵalaýynan tapty», dedi komıtet basshysy Nýrkahıo Ýtomo.