Memleket basshysy Qasym-Jomart Toqaev Parlamenttiń VII shaqyrylymdaǵy birinshi sessııasynyń ashylýynda Qazaqstannyń saıası júıesin jańǵyrtý sheńberinde birqatar negizgi mindetterdi atap ótti.
El Prezıdenti eń aldymen, saıası partııalardyń Májiliske ótý shegin 7%-dan 5%-ǵa deıin tómendetýdi, barlyq deńgeıdegi saılaý bıýlletenderine «bárine qarsymyn» degen jazýdy qaıtarýdy, aýyldyq eldi mekenderdegi ákimderdiń saılaýyn ótkizýdi, aýyl ákimderin saılaǵannan keıin aýdan ákimderin saılaýǵa kóshýdi, adam quqyǵyn qorǵaý salasyn jetildirý men Ombýdsmen týraly zań qabyldaýdy usyndy.
Sonymen qatar Memleket basshysy memlekettik basqarý men josparlaýdyń jańa modelin engizý qajettigin te tilge tıek etti. Bul baǵyttaǵy reformalar barlyq úderisti sıfrlandyrýdy da qamtıtyn bolady. Budan bólek, azamattarmen ózara qarym-qatynastyń servıstik modeli de engiziledi.
Osy sharalardyń alǵashqy ekeýin el basshylyǵynyń ótken saılaý naýqany kezinde qazaqstandyq qoǵam ókilderi men sheteldik baıqaýshylardyń kóptegen baǵalaýlary men usynystaryna jaýaby dep sanaýǵa bolady. Qalǵan sharalardyń basym kópshiligin Memleket basshysy ótken jyly Qazaqstan halqyna Joldaýynda jáne Ulttyq qoǵamdyq senim keńesiniń tórtinshi otyrysynda málimdegen bolatyn. Olardyń árqaısysy jeke zertteý men taldaýdy, sonyń ishinde sheteldik tájirıbeni eskere otyryp, olardyń mazmuny men iske asyrylýyna arnalǵan usynystar jasaýdy qajet etedi.
Memleket basshysy bul usynystardy Parlament depýtattarynyń jańa quramynyń aldynda aıtýy da kezdeısoqtyq emes. Osylaısha, qos palatanyń depýtattaryna Prezıdent joǵaryda aıtyp ótken usynystardy jáne aıtylǵan basqa da sharalardy zańnamalyq turǵyda ýaqtyly ári sapaly qamtamasyz etý úshin úlken jaýapkershilik júktelip otyr. Sondaı-aq múddeli jurtshylyqtyń da óz usynystaryn ázirleýge jáne nasıhattaýǵa atsalysýy kútilýde.
Andreı ChEBOTAREV,
«Alternatıva» zamanaýı zertteýler ortalyǵynyń dırektory, saıasattanýshy