Premer-Mınıstr Asqar Mamın jańartylǵan quramda Úkimettiń alǵashqy otyrysyn ótkizdi. Eldegi sanıtarlyq-epıdemıologııalyq jaǵdaı týraly densaýlyq saqtaý mınıstri Alekseı Soı baıandady, dep habarlaıdy Egemen.kz.
Densaýlyq saqtaý mınıstri atap ótkendeı, búgingi tańda álemniń 220 elinde KVI-diń 95 mln-nan astam jaǵdaıy tirkelgen. 2 mln-nan astam adam qaıtys boldy, jahandyq ólim kórsetkishi 2,1%-dy quraıdy. Dúnıejúzilik densaýlyq saqtaý uıymynyń alty óńiriniń úsh óńirinde (Amerıka, Tynyq muhıttyń batys bóligi jáne Afrıka) halyqtyń COVID-19 vırýsymen syrqattanýynyń udaıy ósýi jalǵasýda. Eýropa jáne Shyǵys Jerorta teńizi óńirlerinde tómendeý belgilerinsiz syrqattanýshylyqtyń turaqty túrde joǵary deńgeıi baıqalady. Tómendeý úrdisi tek Ońtústik-Shyǵys Azııa elderinde baıqalady.
Syrqattanýshylyqtyń taralý kórsetkishi men deńgeıi boıynsha Qazaqstan Respýblıkasy Túrkııa sııaqty táýekeli ortasha aımaqta nemese sary aımaqta tur. Táýekeli joǵary aımaqta, ıaǵnı qyzyl aımaqta Ýkraına, Reseı Federasııasy, Belarýs, Germanııa, Italııa, Fransııa, Birikken Arab Ámirlikteri sııaqty elder tur. Ońtústik Koreıa men Sıngapýr jasyl aımaqta.
«Qazaqstanda pandemııa bastalǵannan beri COVID-19-ǵa oń nátıjemen 170 098 naýqas jáne 46 866 KVI- jaǵdaıy tirkelgen. KVI+ 154 449 naýqas jáne KVI- 34 656 naýqas emdelip shyqty. Qaıtys bolǵan adamdar sany – KVI+ 2 423 adam jáne KVI- 542 adam. Onyń ishinde sońǵy táýlikte KVI+ 999 jaǵdaı jáne KVI- 18 jaǵdaı tirkeldi, onyń ishinde 9 – ólim jaǵdaıy», — dedi A. Soı.
Mınıstrlik kún saıyn matrısaǵa sáıkes epıdjaǵdaıǵa baǵalaý júrgizip otyrady. Osy jyl bastalǵannan beri táýekeli ortasha aımaqtan táýekeli joǵary aımaqqa nemese sary aımaqtan qyzyl aımaqqa 3 óńir — Qostanaı, Pavlodar oblystary jáne Nur-Sultan qalasy ótti. Táýekeli tómen aımaqtan táýekeli ortasha aımaqqa nemese jasyl aımaqtan sary aımaqqa 2 óńir: Almaty jáne Qaraǵandy oblystary ótti. Osylaısha, 19 qańtarda qyzyl aımaqta 6 óńir tur: Aqmola, Atyraý, Qostanaı, Pavlodar, Soltústik Qazaqstan oblystary jáne Nur-Sultan qalasy. Sary aımaqta 3 óńir: Batys Qazaqstan, Almaty jáne Qaraǵandy oblystary. Qalǵan 8 óńir jasyl aımaqta.
A. Soıdyń aıtýynsha, jalpy alǵanda, respýblıka boıynsha qarasha aıynan bastap KVI-men syrqattanýshylyqtyń ósýi baıqalady, qazan aıymen salystyrǵanda qarasha aıynda syrqattanýshylyq 4,5 ese ósti, qarashamen salystyrǵanda jeltoqsan aıynda 1,2 ese ósti.
«Birqalypty ósý úrdisi qańtar aıynda da saqtalyp otyr, bul jeltoqsan men qańtar aılarynda uzaq mereke kúnderi halyqtyń barlyq profılaktıka sharalaryn saqtamaýynyń saldary bolyp tabylady. Máselen, qańtardyń 19 kúni ishinde KVI-diń 14 625 jaǵdaıy tirkeldi. Syrqattanýshylyqtyń ósýi Shyǵys Qazaqstan oblysynan basqa barlyq óńirde baıqalady», — dedi Densaýlyq saqtaý mınıstri.
Bıylǵy 19 qańtardaǵy jaǵdaı boıynsha ınfeksııalyq jáne reanımasııalyq tósekterdiń júktelýi tıisinshe 32%-dy jáne 23%-dy quraıdy. Monıtorıng derekterine sáıkes tósek qorynyń qamtylýy baqylanatyn deńgeıde, qajet bolǵan jaǵdaıda árbir óńirde rezervtik tósekterdi qosymsha ashý múmkindigi bar. Epıdemıologııalyq jaǵdaıdy eskere otyryp, birqatar óńirde, onyń ishinde Aqmola, Qostanaı, Pavlodar, Atyraý oblystarynda jáne Nur-Sultan qalasynda halyqtyń kóp jınalatyn oryndarynda qarym-qatynasty azaıtýǵa baǵyttalǵan shekteýlerdi kúsheıtý boıynsha sharalar qabyldandy.
Vırýstyń mýtasııaǵa beıimdiligin eskere otyryp, Mınıstrlik turaqty negizde QR-da bólingen vırýs shtammdaryna molekýlalyq-genetıkalyq sekvenırleý júrgizedi.
Taldaý kórsetkendeı:
zerttelgen synamalar genetıkalyq jaǵynan Germanııa, Ispanııa, Ýkraına, Reseı Federasııasy, AQSh jáne Qytaıda anyqtalǵan shtammdarǵa jaqyn;
aýrýdyń sımptomdyq jáne sımptomsyz túrleri, sondaı-aq vırýstyń kontagıozdylyǵy jáne aýrýdyń aýyr ótýi vırýstyń qandaı da bir genetıkalyq syzyqqa jatatyndyǵyna baılanysty emes;
barynsha kóp anyqtaý jıiligimen mýtasııalar anyqtaldy;
zerttelgen synamalarda koronavırýstyń «Brıtandyq» shtammy anyqtalǵan joq. Osy baǵyttaǵy jumys jalǵasýda.
A. Soıdyń aıtýynsha, Memleket basshysynyń KVI-ge qarsy vaksınasııany jedeldetip bastaý jónindegi tapsyrmasyn iske asyrý maqsatynda mynadaı jumystar júrgizilýde:
2021 jylǵy 19 qańtarda Qaraǵandy farmasevtıkalyq kesheni men Reseı tikeleı ınvestısııalar qory arasynda «Spýtnık V» vaksınasynyń 20 myń dozasyn jetkizýge arnalǵan shartqa qol qoıý josparlanýda;
Bıylǵy 20 qańtarda arnaıy tártip boıynsha satyp alýdy júrgizý úshin bir jolǵy ákelýge ruqsat berý jáne QR DSM-niń SQ-Farmasııaǵa hat jiberýi josparlanyp otyr;
Osy jylǵy 1 aqpanda – egýge jatatyn halyq toptaryn KVI-ǵa qarsy vaksınasııalaýdy bastaý kózdelgen. Vaksınasııalaý vaksınanyń kelip túsýin eskere otyryp, kezeń-kezeńmen júzege asyrylatyn bolady. Bul rette kontıngentter mynadaı túrde bólingen:
I kezeń – ınfeksııalyq aýrýhanalar, jedel medısınalyq járdem, reanımasııa jáne qarqyndy terapııa bólimi, medısınalyq-sanıtarııalyq alǵashqy kómek, aýrýhanalardyń qabyldaý bólmeleriniń medısına qyzmetkerleri, sanepıdqyzmet qyzmetkerleri jatady – 100 000 adam — 2021 jylǵy 1 aqpannan bastap;
II kezeń – jalpy bilim beretin mektepterdiń, arnaýly orta oqý oryndarynyń, joǵary oqý oryndarynyń pedagogtary, vedomstvolyq medısınalyq qyzmetiniń medısına qyzmetkerleri – 150 myń adam — bıylǵy naýryzdan bastap;
III kezeń – mektep-ınternattar, balalardyń mektepke deıingi mekemeleri pedagogtary, stýdentter, sozylmaly aýrýlary bar adamdar – 600 myń adam — bıylǵy sáýirden bastap;
IV kezeń – Ishki ister mınıstrligi, Tótenshe jaǵdaılar mınıstrligi, Qorǵanys mınıstrligi, Ulttyq qaýipsizdik komıteti qyzmetiniń qyzmetkerleri, basqa stasıonarlardyń medısına qyzmetkerleri, BMDM personaly jáne sozylmaly aýrýlary bar adamdar – 600 myń adam — bıylǵy mamyrdan bastap;
V kezeń – medısınalyq-áleýmettik mekemelerdiń kontıngenti men personaly, balalardyń jabyq mekemeleriniń qyzmetkerleri jáne sozylmaly aýrýlary bar adamdar – 600 myń adam, bıylǵy maýsymnan bastap;
VI kezeń – táýekel tobyndaǵy qalǵan kontıngent – 600 myń adam, bıylǵy shilde aıynan jeltoqsanǵa deıin. Osylaısha, jyl sońyna deıin 6 mln qazaqstandyqqa vaksına egý josparlanǵan.
О́ndirýshiden medısınalyq uıymdarǵa deıingi barlyq jolynda vaksınanyń sapasyn qamtamasyz etý maqsatynda GDP standarty «salqyn tizbektiń» árbir kezeńinde jaýapty adamdardyń bolýyn kózdeıdi. Vaksınany jetkizý tizbegi 4 kezeńnen turady:
I kezeń – óndirýshiden Biryńǵaı dıstrıbıýtor qoımalaryna deıin, munda «salqyn tizbek» prınsıpin saqtaýǵa vaksınany óndirýshi/jetkizýshi jaýapty bolady;
II kezeń – BD qoımalarynan densaýlyq saqtaý basqarmalarynyń (DSB) dárihana qoımalaryna deıin, munda «salqyn tizbek» prınsıpin saqtaýǵa Biryńǵaı dıstrıbıýtor jaýapty bolady;
III kezeń – óńirlerdiń densaýlyq saqtaý basqarmalarynan aýdandar men qalalardyń medısınalyq uıymdaryna deıin, munda «salqyn tizbek» prınsıpin saqtaýǵa óńirlerdiń densaýlyq saqtaý basqarmalary jaýapty bolady;
IV kezeń – medısınalyq uıymdarda saqtaý.
«Búgingi tańda “salqyn tizbektiń” barlyq qatysýshysy úshin COVID profılaktıkasy boıynsha vaksınalardy saqtaý jáne tasymaldaý reglamentiniń jobasy ázirlendi. “Salqyn tizbektiń” árbir kezeńinde vaksınany saqtaý ydystary salystyryp tekserildi. О́ńirlerge jáne medısınalyq uıymdarǵa muzdatqysh jabdyqtardyń, termokonteınerlerdiń, termoındıkatorlar men salqyndatý elementteriniń jetispeıtin kólemin satyp alý tapsyryldy», — dedi A. Soı.
KVI-ge qarsy vaksınasııalaýdy uıymdastyrýǵa jáne júrgizýge daıyndyqty qamtamasyz etý maqsatynda:
Ulttyq ekpeler kúntizbesine KVI-ge qarsy vaksınasııany engizý bóliginde QR Úkimeti qaýlysynyń jobasy ázirlendi;
KVI-ge qarsy vaksınasııalaý jónindegi ádistemelik usynymdar daıyndaldy;
KVI-ge qarsy vaksınasııalaýdy uıymdastyrý jáne júrgizý jónindegi jospar bekitildi;
Bıylǵy 18 qańtarda ulttyq jáne óńirlik deńgeıdegi mamandar oqytyldy.
2021 jylǵy 20-27 qańtar aralyǵynda medısınalyq uıymdardyń mamandaryn onlaın oqytý josparlanǵan. Júıeli esepke alý maqsatynda vaksınasııalaýdyń elektrondyq pasporty ázirlendi. Vaksınasııa júrgizý týraly derekter Mınıstrliktiń ortalyqtandyrylǵan aqparattyq júıesinde elektrondyq formatta júrgiziletin bolady.
Pasıent jáne medısına qyzmetkeri aqparatty m-gov mobıldik qosymshasynda qolmen veb-qosymshaǵa engize alady. Júıe jahandyq aqparattyq júıelermen ıntegrasııalanýǵa qabiletti jáne vaksına alǵan barlyq adamdarǵa talap etiletin jerde usyný úshin aqparat berýge jáne erkin qozǵalýǵa múmkindik beredi. Epıdemıologııalyq jaǵdaıdyń nasharlaǵanyn eskere otyryp, sondaı-aq KVI-ge qarsy vaksınasııalaý júrgizýge daıyndyqty qamtamasyz etý maqsatynda:
1. Oblystardyń, respýblıkalyq mańyzy bar qalalardyń ákimderine:
- epıdemıologııalyq táýekel aımaǵyna baılanysty shekteý sharalaryn dereý engizý;
- monıtorıngtik toptardyń jumysyn kúsheıtý;
- medısınalyq uıymdardyń aǵymdaǵy jylǵy 1 aqpannan bastap KVI-ge qarsy vaksınasııany bastaýǵa daıyndyǵyn qamtamasyz etý;
- KVI-ge qarsy vaksınalardy saqtaý jáne tasymaldaý úshin tońazytý jabdyqtaryn jáne termokonteınerlerdi satyp alýdy aıaqtaý;
- vaksınasııalaý prosesine tartylǵan barlyq mamandardy KVI-ge vaksınasııalaý máseleleri boıynsha oqytýdy qamtamasyz etý;
2. Qarjy jáne ádilet mınıstrlikterine, jergilikti atqarýshy organdarǵa bir kún ishinde KVI-ge qarsy vaksınasııany Ulttyq ekpeler kúntizbesine engizýdi reglamentteıtin QR Úkimeti qaýlysynyń jobasyn kelisý.
3. QR Densaýlyq saqtaý mınıstrligine barlyq óńirlerdiń egý pýnktteriniń KVI-ge qarsy vaksınasııalaýǵa daıyndyǵyn aldyn ala baqylaýdy qamtamasyz etý;
4. Aqparat jáne qoǵamdyq damý mınıstrligine halyqty vaksınasııalaýdy qosa alǵanda, KVI profılaktıkasy boıynsha aqparattyq-túsindirý jumysyn qamtamasyz etý tapsyryldy. Densaýlyq saqtaý mınıstrliginiń boljaý jónindegi jumys toby mindetti maska taǵý rejımin, áleýmettik qashyqtyqty saqtaýdy jáne kútiletin vaksınasııany qosa alǵanda, qoldanystaǵy shekteý sharalary saqtalǵan jaǵdaıda 2021 jyldyń sońyna deıin epıdjaǵdaıdyń damýyna boljam jasady.
«Jaǵdaılar osy jyldyń naýryz aıynyń sońynda kóp tirkelýi múmkin. Optımıstik ssenarıı boıynsha táýligine 3 myń jaǵdaıǵa deıin kútilýde, al tósek qorynyń barynsha qamtylýy 24 myń tósekke deıin jetýi múmkin. Degenmen, atalǵan ssenarıı kezinde qatań karantındik sharalardy engizý josparlanyp otyrǵan joq», — dedi A. Soı.
Realıstik jáne pessımıstik ssenarııler kezinde kún saıyn tıisinshe 6 jáne 9 myń jaǵdaıǵa deıin tirkelýi múmkin, al tósek qorynyń qamtylýy 45 myń tósekke deıin jetedi, ıaǵnı KVI-men aýyratyn naýqastarǵa qoljetimdi 52 myń tósekten aspaıdy, biraq densaýlyq saqtaý júıesine shamadan tys júkteme túsirmeý jáne sapaly medısınalyq qyzmet kórsetýdi qamtamasyz etý úshin qatań karantındik sharalardy engizý qajet bolady.
Birinshi kezeńde 2 mln adamdy vaksınasııalaý epıdemııanyń damýyna oń áser etedi, bul vaksınasııadan keıin ımmýnıtetti damytý úshin qajetti ýaqytpen, halyqtyń kóp bóligin bir ýaqytta vaksınasııalaýdyń múmkin emestigimen shekteledi.
«Bizdiń esepteýimizshe, 2 mln adamdy vaksınasııalaý tirkelgen jaǵdaılardyń sanyn 40 myńǵa azaıtady. Tıisinshe, vaksınasııamen qamtý neǵurlym joǵary bolsa, KVI-men syrqattanýshylyq pen ólim-jitim azaıady jáne shekteý sharalary men lokdaýnsyz ómirge oralý yqtımaldyǵy artady. Pandemııanyń damýynyń osy kezeńinde búkil álem ózin-ózi oqshaýlaý men karantınge jalǵyz balama – vaksınasııa ekenin túsindi», — dedi A. Soı.
Aqparat jáne qoǵamdyq damý mınıstri Aıda Balaeva birqatar óńirde koronavırýs taqyryby boıynsha aqparattyq-túsindirý jumystary kúsheıtilgenin aıtty. Atap aıtqanda, aldyńǵy aptamen salystyrǵanda ótken jetide barlyq quraldar arqyly koronovırýs taqyrybyndaǵy aqparattyq materıaldar 27%-ǵa artyp, jyl basynan beri shyqqan telesıýjetterdiń, baspa óniminiń, ınternet-materıaldyń sany 6 myńǵa jýyqtady. Halyqty aqparattandyrý máselesinde arnaıy ashylǵan coronavirus2020.kz saıtynyń orny erekshe. Qazirgi tańda oǵan kúnine 80 myńnan asa paıdalanýshy kirip, tıisti aqparat alýda. Pavlodar oblysynyń ákimi Ábilqaıyr Sqaqov ótken aptada Pavlodar oblysynda KVI-diń 616 jaǵdaıy tirkelgenin habarlady. Aýrýshańdyqtyń ósýi 5,8% qurady. Sońǵy táýlikte 155 jaǵdaı anyqtaldy. 396 baılanysta bolǵan adam anyqtaldy. Barlyq úı oshaqtarynda epıdemıologııalyq zertteýler júrgizilip, jańa oshaqtar oqshaýlandy.
«О́ńirdiń densaýlyq saqtaý júıesi shtattyq rejımde jumys isteıdi. Infeksııalyq tósekterdiń júktelýi 37,7%-dy quraıdy. Qazir barlyǵy 1 635 tósek-orny bar. Rezervte taǵy 2 168 bar. Reanımasııada 21 naýqas bar, onyń 3-i óte aýyr jaǵdaıda», — dedi Á. Sqaqov.
Oblys boıynsha 169 mobıldi brıgada jumys isteıdi. Táýligine 2 520 PTR-ǵa deıin zertteý júrgiziledi. Jaǵdaı baqylanatyn. Aımaqtyń qyzyl aımaqqa kirýine baılanysty shekteý sharalary kúsheıtildi. Demalys kúnderine lokdaýn engizildi: demalys kúnderi azyq-túlik jáne azyq-túliktik emes jabyq bazarlardyń, SOSO, SPA-ortalyqtardyń, saýnalardyń, sport obektileriniń, sport keshenderiniń, fıtnes-ortalyqtardyń qyzmeti, qoǵamdyq kólik qozǵalysy toqtatyldy. Qalaaralyq, aýdanaralyq avtobýs, mıkroavtobýs turaqty jolaýshylar tasymaldarynyń qozǵalysy toqtatyldy. Adamdar kóp jınalatyn oryndarǵa erekshe nazar aýdara otyryp, kúsheıtilgen rejımde 176 monıtorıngtik top jumys isteıdi.
Barlyq medısınalyq-áleýmettik mekemeler personaldyń táýlik boıy bolý rejımine tolyq oqshaýlaýǵa jáne syrttan kelgen barlyq baılanystardy shekteýge kóshti. Kovıdtik ınfeksııa boıynsha biryńǵaı aqparattyq-taldaý ortalyǵy juqtyrý oshaqtaryn jedel oqshaýlaý, baılanysta bolǵan adamdardy baqylaý úshin jumys isteıdi. 24/7 rejıminde oblys turǵyndaryn epıdemıologııalyq ahýal jáne onymen baılanysty máseleler týraly habardar etý úshin biryńǵaı baılanys ortalyǵy jumys isteıdi.
Baıandama sońynda Á. Sqaqov jumys barlyq baǵytta jalǵasyp jatqanyn jáne erekshe baqylaýda ekenin atap ótti. Aqmola oblysynyń ákimi Ermek Marjyqpaev óz kezeginde Aqmola oblysynda epıdemıologııalyq jaǵdaıdy turaqtandyrý boıynsha jumystar júrgizilip jatqanyn baıandady. Sońǵy aptada, jalpy aýrýdyń ortasha ósýi 0,8% qurady, sońǵy táýlikterde – 1,2% nemese 99 jaǵdaı. 526 adam stasıonarda emdelýde, onyń ishinde: aýyr jaǵdaıda – 41 adam. Aýrýdyń artýyna jol bermeý jáne karantın sharalaryn kúsheıtý úshin, barlyq qajetti shara qoldanylady.
«Azyq-túlik emes dúkenderdiń, saýda oıyn-saýyq ortalyqtarynyń jumys tártibi, 30% tolýyna qaraı saǵat 10:00-den 22:00-ge deıin, úı-jaılardaǵy qoǵamdyq tamaqtaný obektileriniń qyzmeti saǵat 9:00-den 20:00-ge deıin shekteldi», — dedi E. Marjyqpaev.
Monıtorıng toptarymen, jyl basynan beri 346 reıd ótkizildi, 1212 obekt qamtyldy. О́tken aptada ınfeksııalyq stasıonarlarda, onyń ishinde aýylda oryn sany artty. Reanımasııalyq oryndardyń jabdyqtalýy 100% quraıdy. Búgingi tańda Ulttyq saraptama ortalyǵynyń biryńǵaı portalymen ıntegrasııalanǵan 6 zerthana jumys isteıdi. Táýligine 1700-den 2000 deıin test ótkiziledi. Qajettiligine qaraı, zerthanalardyń rezervtik qýaty táýligine 7 myńǵa deıin test ótkizýge múmkindik beredi. Bastapqy medısınalyq-sanıtarııalyq kómek kórsetý uıymdarynyń qyzmeti boıynsha sharalar kúsheıtildi. Jańa jylda, 18 emhana mobıldi brıgadalarmen halyqqa qyzmet kórsetý úshin 37 avtokólikpen qosymsha qamtamasyz etildi.
«Halyqty vaksınalaý úshin daıyndyq jumysy júrgizilýde. “Spýtnık V” vaksınasynyń 100 myń dozasyn saqtaý úshin 2 muzdatqysh kamerasy bar, taǵy 4 satyp alynýda. Sonymen qatar «muzdatqysh tizbekke» sáıkes, 38 termokonteıner, 19 termoregıstrator, 2 avtorefrejator satyp alynady», — dedi Aqmola oblysynyń ákimi.
Dárilik zattardyń qurylǵan 2 aılyq qory qajettiligine qaraı paıdalanady jáne jedel tártipte toltyrylady. Dárimen tegin qamtamasyz etý tártibi halyqqa jetkizildi jáne 98,7% quraıdy. Búgingi tańda 61 mln teńge somasyna dárilik zattardyń 90 atalymy jetkizildi, qańtar aıynyń sońyna deıin qalǵan 180 mln teńge somasyna júk keledi. Qajetti dárilik zattardy qosymsha satyp alý úshin oblystyń turaqtandyrý qorynda 500 mln teńge qarastyryldy.
О́ńirdegi epıdemıologııalyq jaǵdaı erekshe baqylaýda. Qostanaı oblysynyń ákimi Arhımed Muhambetov pandemııa bastalǵannan beri óńirde 672 COVID-19 jaǵdaıy tirkelgenin aıtty. Qazirgi ýaqytta 1096 stasıonarlyq tósek-oryn qamtamasyz etilgen, júktemesi 39,5% quraıdy. Qajet bolǵan jaǵdaıda, tósek-oryn sanyn 3 myńǵa deıin arttyrýǵa daıyn.
«Bıylǵy 18 qańtardan bastap syrqattanýshylyqtyń ósýine baılanysty karantındik sharalar 2 apta merzimge qatańdatyldy. Máselen, oblystyń bas sanıtarlyq dárigeriniń qaýlysyna birqatar ózgeris engizildi. Dinı obektilerdiń qyzmeti ýaqytsha toqtatyldy. Qoǵamdyq tamaqtandyrý obektileriniń jáne Halyqqa qyzmet kórsetý ortalyqtarynyń jumysy ýaqyty boıynsha shekteldi. Senbi jáne jeksenbi kúnderi alańy 2000 sharshy metrden asatyn azyq-túliktik emes saýda obektileriniń, jabyq azyq-túlik jáne azyq-túliktik emes bazarlardyń, saýnalardyń, SPA-ortalyqtardyń, jabyq sport obektileriniń, onyń ishinde fıtnes-ortalyqtardyń qyzmeti, sondaı-aq qoǵamdyq kólik qozǵalysy ýaqytsha toqtatyldy», — dedi A. Muhambetov.
Karantındik sharalardyń saqtalýyn baqylaý maqsatynda monıtorıng toptary jyl basynan beri 942 reıd júrgizdi, 2823 obekti tekserildi, 26 buzýshylyq anyqtaldy. Atalǵan faktiler boıynsha 26 ákimshilik aıyppul salyndy. Dárihanalardy dárilik preparattarmen qamtamasyz etý maqsatynda turaqtandyrý qory 538 mln teńgege deıin ulǵaıtyldy. Qazirgi ýaqytta koronavırýs ınfeksııasyna qarsy jappaı vaksınasııalaýǵa daıyndyq júrip jatyr. 72 birlik medısınalyq maqsattaǵy muzdatqysh kamerasyn satyp alý boıynsha konkýrstyq rásimder aıaqtalyp keledi. Birinshi partııany jetkizý aǵymdaǵy jyldyń 10 aqpanynda bastalady. Oblystyń dárihanalary men stasıonarlarynda dári-dármekter men jeke qorǵanysh quraldarynyń azaıtylmaıtyn eki aılyq qory bar.