Eski tehnıkadan qutylýdyń joly

«О́KM Operatory» JShS tarat­qan resmı aqparatqa súıensek, 2021 jyly isten shyq­qan aýyl sharýashylyǵy tehnıkasyn ýtı­lızasııaǵa qabyldaý kvotasynyń mólsheri Ekologııa, geologııa jáne tabıǵı resýrstar mınıstrligimen kelisilgen. Atalǵan baǵdarlama aıasynda jyl sońyna deıin qabyldaý beketteri 1 900 traktor men 480 kombaındy qabyldaýdy josparlap otyr.

Aýyl sharýashylyǵy tehnıkasyn qabyldaý Qazaqstannyń 11 aımaǵynda eki kezeń boıynsha júzege asyrylady. 18 qań­tar­dan bastap Qostanaı, Petro­pavl, Kókshetaý, Aqtóbe, Qara­ǵandy, Qyzylorda, Taldy­qorǵan, Shymkent qalalarynda 1 aqpannan bastap Pavlodar, Almaty jáne Taraz qalalarynda qabyldaý júrgiziledi.

«Bıyl agrotehnıkany ót­kizý­shi­lerge yńǵaıly bolý úshin recycle.kz saı­tynda aldyn ala ótinimdi qaraı­­tyn júıe en­gi­zilgenin atap ótken jón. Sol arqyly kólik tapsyrý­shy tehnıkasyn elektrondy túrde kezekke qoıa alady. Ol úshin aýyl sharýashylyǵy teh­nı­kasy­nyń ıesi arnaıy elekt­ron­dy úlgini toltyrýy tıis. Oǵan eki qujat qana kerek: jeke kýálik jáne tehnıkany tir­keýden shyǵarǵandyǵy týra­ly anyqtama. Budan bólek aýyl sharýashylyǵy tehnı­ka­synyń ár qyrynan túsiril­gen birneshe sýreti qajet. О́tinim maq­uldanǵan jaǵdaıda, avto­mat­tan­dyrylǵan júıe ótinim berýshige agrarlyq tehnıkany kádege jaratýǵa tapsyrý kúni men ýaqyty týraly aq­parat beredi», dep habarlady «О́KM Operatory» JShS-nyń baspasóz qyzmeti.

Tehnıkany tapsyrǵandarǵa jeńildik sertıfıkaty beriledi. Onyń quny tehnıkanyń túri men jıyntyǵyna baılanys­ty 560 myń teńgeden 2 mln teń­­­gege deıin baǵalanady. Jeńil­­dik sertıfıkatyn Qazaq­standa qurastyrylǵan kez kel­gen sanattaǵy kólikti satyp alý úshin qoldanýǵa bolady. Sonymen qatar eki sertıfıkatty biriktirýge jáne ony basqa adamnyń atyna tir­keýge (2 retten artyq emes) múm­kindik bar. Sertıfıkat berilgen kúnnen bastap 12 aıǵa deıin jaramdy.

Tapsyrylatyn tehnıka za­ýyttan shyqqandaǵy salmaǵynyń 50 paıyzynan asatyn bolsa to­lyq jıyntyqqa jatady. Bul rette tolyq jıyntyqtaǵy kom­baın­ǵa 2 mln teńgelik jeńil­dik ser­tıfıkaty beriledi. Al to­lyq emes jıyntyqtaǵy kom­baın­ǵa qarastyrylǵan sertıfıkat quny – 1,5 mln teńge. Son­daı-aq tolyq jıyntyqqa jata­tyn traktorlar úshin jeńil­dik ser­tı­fıkatynyń mólsheri – 1 mln teńge. Tolyq emes jıyn­tyqtaǵy mashınalarǵa (shynjyr tabandy nemese dóńgelekti) 560 myń teńgeniń sertıfıkaty beriledi.

Tozyǵy jetken aýylsharý­shy­lyq tehnıkasyn ýtılıza­sııaǵa tapsyrý úshin «О́KM Ope­ra­torynyń» resmı saıtyna (www.recycle.kz) kirip, kezekti aldyn ala brondaýǵa ótinim berý qajet.

Tozyǵy jetken agrarlyq teh­nı­kany qaıta óńdeýge qabyl­daý baǵdarlamasy elimiz­degi es­kirgen aýyl sharýashy­ly­ǵy tehnıkasyn jańartýǵa múm­kindik bere­di. Sonymen qatar eko­logııalyq taza kólik quraldaryn óndirýdi ynta­landyrýǵa jáne qaıta óńdeý júıesin qurýǵa yqpal etedi.