Pandemııa, karantındik shekteýler engizý jáne sanıtarlyq talaptardy qatańdatý kezeńinde eldiń densaýlyq saqtaý júıesiniń qyzmetkerleri anyqtaǵan quqyq buzýshylyqtar sany artty, - dep habarlaıdy Bas prokýratýranyń quqyqtyq statıstıka jáne arnaıy esepke alý jónindegi komıteti.
Densaýlyq saqtaý salasy boıynsha barlyǵy 3,6 mlrd teńge somasyna aıyppul salý týraly 37 myńǵa jýyq qaýly shyǵaryldy, onyń ishinde quqyq buzýshylar 3 mlrd teńge tóledi.
Olardyń ishinde halyqtyń sanıtarııalyq-epıdemıologııalyq salamattylyǵy salasyndaǵy talaptardy buzǵany úshin (QR ÁQBtK 425-baby) karantındik is-sharalardy buzýmen baılanysty quqyq buzýshylyqtar úshin 2020 jyly elde 2,2 mlrd teńge somasyna aıyppul salý týraly 27 myń qaýly shyǵaryldy, onyń ishinde 1,4 mlrd teńge óndirilip alyndy.
Osyndaı aıyppuldardyń kópshiligi Túrkistan oblysynda – 5 014, Almaty qalasynda – 4775 jáne Shyǵys Qazaqstan oblysynda – 1 831 salynǵan.
Olardyń eń az sany Mańǵystaý – 204, Pavlodar – 523 jáne Jambyl – 590 oblystarynda tirkelgen.
Maskalyq rejımdi buzǵany úshin 15 613 jeke tulǵa ákimshilik jaýapkershilikke tartyldy, Almaty qalasy (4 434), Túrkistan (4 009) jáne Shyǵys Qazaqstan (1 126) oblystary kósh bastap tur.