Mańǵystaý oblysynyń tártip saqshylary arqar atqan brakonerdi ustady, dep habarlaıdy Egemen.kz Polisia.kz saıtyna silteme jasap.
19 qańtarda saǵat 22.35 shamasynda Qaraqııa aýdanynyń aýmaǵynda Qaraqııa aýdanynyń PB qyzmetkerleri 37 jastaǵy júrgizýshi basqaryp kele jatqan “VAZ-2121” markaly avtokólikti toqtatqan. Tekserý barysynda avtokólik salonynan tórt qapqa salynǵan eki bas arqardyń jáne tórt bas qoıannyń etine uqsas etter alyndy.
Mán-jaıdy anyqtaý barysynda Qaraqııa aýdanynda ornalasqan “Nurym” sharýa qojalyǵynan bir dana bir uńǵyly 16 kalıbrli ańshy myltyǵy, atalǵan sharýa qojalyqtan shamamen 100 metr qashyqtyqtaǵy jyra ishinen arqarǵa uqsas bir bas, eki dana teri, segiz dana sıraq alyndy.
О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý faktisi boıynsha sotqa deıingi tergep-tekserý júrgizilýde. Barlyq qajetti saraptamalar taǵaıyndaldy.