Kezdesýde elorda ákimi Elbasyna qala qurylysyndaǵy aldaǵy josparlar men sanıtarlyq-epıdemıologııalyq jaǵdaıdy turaqtandyrý boıynsha qabyldanǵan sharalar týraly baıandady, dep habarlaıdy Elbasynyń baspasóz qyzmeti.
A.Kólginovtiń málimetinshe, 2020 jyly elordany damytý jáne turǵyndarǵa qolaıly jaǵdaı jasaý boıynsha mańyzdy jobalardy iske asyrý úshin 1 trıllıon teńgeden astam ınvestısııa tartyldy.
Áńgime barysynda bilim berý, densaýlyq saqtaý, ónerkásip, turǵyn úı qurylysy jáne ınfraqurylymdy damytý salalaryndaǵy jobalardy iske asyrý máselelerine erekshe mán berildi.
Sonymen qatar Nur-Sultan qalasynyń ákimi pandemııa jaǵdaıynda elordanyń shaǵyn jáne orta bıznes ókilderin qoldaý sharalary týraly aıtyp berdi.